ಯಾವುದೇ ವಿಚಾರದಲ್ಲಿ ಸಂವಿಧಾನ, ಕಾನೂನನ್ನು ಗೌರಿವಿಸದವರಿಗೆ ಶಿಕ್ಷೆಯಾಬೇಕು : ರಮೇಶ್ ಕುಮಾರ್

•   Thu, Apr 28 2022 09:47:20 PM



• ವಿಜಯಪುರ, ಏ 28 (DaijiworldNews/SM) : ರಾಜ್ಯದಲ್ಲಿ ನಡೆದಿರುವ ಪಿಎಸೈ ನೇಮಕದಲ್ಲಿ ನಡೆದಿರುವ ಅಕ್ರಮ ಹಗರಣ ಹೊರ ಬಿದ್ದಿರುವುದು ಆರೋಗ್ಯಕರ ಸಮಾಜ ಕಟ್ಟುವಲ್ಲಿ ಇಂಥ ಬೆಳವಣಿಗೆ ಒಳ್ಳೆಯದಲ್ಲ ಎಂದು ವಿಧಾನಸಭೆ ಮಾಜಿ ಅಧ್ಯಕ್ಷ ರಮೇಶ್ ಕುಮಾರ್ ಪ್ರತಿಕ್ರಿಯಿಸಿದ್ದಾರೆ.

   

  ಈ ಬಗ್ಗೆ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಇಂಥ ಘಟನೆ ಸರಿಯಲ್ಲ. ಈ ಪ್ರಕರಣದಲ್ಲಿ ನನಗೆ ಹೆಚ್ಚಿನ ಮಾಹಿತಿ ಇಲ್ಲ. ಸದ್ಯ ಅಕ್ರಮದ ತನಿಖೆ ನಡೆದಿದ್ದು, ತಪ್ಪಿತಸ್ಥರು ಯಾರು, ಪ್ರಕರಣದಲ್ಲಿ ನೈಜವಾಗಿ ನಡೆದಿರುವುದು ಏನು ಎಂಬುದನ್ನು ತನಿಖಾಧಿಕಾರಿಗಳು ಪತ್ತೆಹಚ್ಚಿ, ಬಹಿರಂಗ ಮಾಡಬೇಕು ಎಂದು ಆಗ್ರಹಿಸಿದರು.

  ನಾಗರಿಕ ಸಮಾಜಕ್ಕೆ ಇದು ಅಪಮಾನ. ಇದೊಂದೇ ಅಲ್ಲ ಇಂಥ ಯಾವುದೇ ಘಟನೆ ಒಪ್ಪಿತವಲ್ಲ. ದೇಶದ ಕಾನೂನು, ಈ ನೆಲದ ಕಾನೂನನ್ನು ಗೌರವಿಸದರವಿಗೆ ಶಿಕ್ಷೆಯಾಗಬೇಕು. ಹಾಗಿದ್ದಾಗ ಮಾತ್ರ ಈ ದೇಶ, ದೇಶದ ಸಂವಿಧಾನಕ್ಕೆ ಗೌರವ ಎಂದರು. ದೇಶ ಮುನ್ನಡೆಸಲು ದೇಶವಾಸಿಗಳಿಗೆ ಸೇರಿದ ಸಂವಿಧಾನ ಎಂಬುದೊಂದಿದೆ. ಯಾವುದೇ ವಿಚಾರದಲ್ಲಿ ಸಂವಿಧಾನ, ಕಾನೂನನ್ನು ಗೌರಿವಿಸದವರಿಗೆ ಶಿಕ್ಷೆಯಾಬೇಕು. ತಪ್ಪು ಮಾಡಿದವರಿಗೆ ಶಿಕ್ಷೆ ಆಗದಿದ್ದರೆ ಸಂವಿಧಾನಕ್ಕೆ, ಕಾನೂನಿಗೆ ಏನು ಗೌರವ ಎಂದು ಪ್ರಶ್ನಿಸಿದರು.