'ಶಿವನ ಮೂರನೇ ಕಣ್ಣಿನಂತೆ ಜೆಡಿಎಸ್ ಅಧಿಕಾರಕ್ಕೆ ಬರಲಿದೆ'-ಸಿ.ಎಂ. ಇಬ್ರಾಹಿಂ

•   Thu, Apr 28 2022 12:01:26 PM



• ತುಮಕೂರು, ಏ 28 (DaijiworldNews/DB): ರಾಜ್ಯದಲ್ಲಿ ಜೆಡಿಎಸ್ ಅಧಿಕಾರಕ್ಕೆ ಬರುವುದು ಪಕ್ಕಾ. ಶಿವನ ಮೂರನೇ ಕಣ್ಣಿನಂತೆ ಪಕ್ಷವು ಮ್ಯಾಜಿಕ್ ಮಾಡಲಿದೆ ಎಂದು ಜೆಡಿಎಸ್ ರಾಜ್ಯಾಧ್ಯಕ್ಷ ಸಿ.ಎಂ. ಇಬ್ರಾಹಿಂ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

  ನಗರದಲ್ಲಿ ನಡೆದ ಜನತಾ ಜಲಧಾರೆ ಸಮಾವೇಶದಲ್ಲಿ ಬುಧವಾರ ಮಾತನಾಡಿದ ಅವರು, ವಿಧಾನಸಭಾ ಚುನಾವಣೆಯಲ್ಲಿ ಜೆಡಿಎಸ್ 123 ಸೀಟು ಗೆಲ್ಲುವುದು ಖಚಿತ. ಲೋಕಸಭೆಯಲ್ಲಿಯೂ ಪಕ್ಷಕ್ಕೆ ಬಹುಮತ ಸಿಗಲಿದೆ. ತುಮಕೂರಿನ ಎಲ್ಲಾ 11 ವಿಧಾನಸಭೆ ಕ್ಷೇತ್ರಗಳಲ್ಲೂ ಮತದಾರ ಜೆಡಿಎಸ್‌ಗೆ ಒಲಿಯಲಿದ್ದಾನೆ ಎಂದರು.

  ಎಚ್‌.ಡಿ. ಕುಮಾರಸ್ವಾಮಿಯವರಿಗೆ ಅಧಿಕಾರ ನಷ್ಟವಾಗಲು ಕಾರಣ ಡಾ. ಜಿ. ಪರಮೇಶ್ವರ್‍. ತುಮಕೂರಿನಿಂದ ಮಾಜಿ ಪ್ರಧಾನಿ ದೇವೇಗೌಡ ಅವರು ಸ್ಪರ್ಧಿಸಿ ಸೋಲುವಂತೆ ಮಾಡಿದ್ದೂ ಅವರೇ. ಎಚ್‌ಡಿಕೆ ಮುಖ್ಯಮಂತ್ರಿಯಾಗಿದ್ದಾಗ ಬಿಜೆಪಿಗಿಂತ ಕಾಂಗ್ರೆಸ್‌ನವರೇ ಹೆಚ್ಚು ಕಾಡಿದ್ದರು ಎಂದು ಆಪಾದಿಸಿದರು.

  ಯಡಿಯೂರಪ್ಪ ಅವರನ್ನು ಮುಖ್ಯಮಂತ್ರಿ ಮಾಡಿದ್ದು ಯಾರು ಎಂಬುದನ್ನು ಪರಮೇಶ್ವರ್‍ ಸಿದ್ದಗಂಗಾ ಮಠದಲ್ಲಿ ಪ್ರಮಾಣ ಮಾಡಿ ಹೇಳಬೇಕು. ಜೆಡಿಎಸ್‌ನ್ನು ಬೀಳಿಸಿ ಬಿಜೆಪಿಯನ್ನು ಅಧಿಕಾರಕ್ಕೇರಿಸಿದ್ದು ಕಾಂಗ್ರೆಸ್ ಪಕ್ಷ. ಆದರೆ ಈಗೆ ಬಿಜೆಪಿಯ ಬಿಟೀಂ ಎಂದು ಜೆಡಿಎಸ್‌ನ್ನು ಹೀಯಾಳಿಸುತ್ತಿದ್ದಾರೆ ಎಂಟು ಟೀಕಿಸಿದರು.

  ಮೇ 7ನೇ ತಾರೀಕಿನ ನಂತರ ಬೇರೆ ಪಕ್ಷದಿಂದ ಜೆಡಿಎಸ್ ಗೆ ಬರುವವರು ತುಂಬಾ ಮಂದಿ ಇದ್ದಾರೆ ಎಂದವರು ಇದೇ ವೇಳೆ ತಿಳಿಸಿದರು.