ಭಾರತೀಯ ನೌಕಾದಳಕ್ಕೆ ಐಎನ್‌ಎಸ್ ವಾಗ್ಶೀರ್ ಜಲಾಂತರ್ಗಾಮಿ ನೌಕೆ ಸೇರ್ಪಡೆ

•   Wed, Apr 20 2022 07:02:03 PM



• ಮುಂಬೈ, ಏ 20 (DaijiworldNews/DB)​: ಭಾರತೀಯ ನೌಕಾದಳಕ್ಕೆ ಐಎನ್‌ಎಸ್ ವಾಗ್ಶೀರ್ ಜಲಾಂತರ್ಗಾಮಿ ನೌಕೆ ಬುಧವಾರ ಸೇರ್ಪಡೆಯಾಗಿದೆ. ಆ ಮೂಲಕ ನೌಕಾದಳಕ್ಕೆ ಇನ್ನಷ್ಟು ಬಲ ಬಂದಂತಾಗಿದೆ.

  ಪ್ರಾಜೆಕ್ಟ್ 75ರ ಅಡಿಯಲ್ಲಿ ಒಟ್ಟು ಆರು ಜಲಾಂತರ್ಗಾಮಿ ನೌಕೆಗಳು ನಿರ್ಮಾಣವಾಗಿದ್ದವು. ಈ ಪೈಕಿ ಐಎನ್‌ಎಸ್ ವಾಗ್ಶೀರ್ ಜಲಾಂತರ್ಗಾಮಿ ನೌಕೆ ಕೊನೆಯದಾಗಿದೆ. ಈ ನೌಕೆಯನ್ನು ಮುಂಬೈನ ಮಡಗಾಂವ್ ಡಾಕ್ ಶಿಪ್ ಬಿಲ್ಡರ್ಸ್ ಬುಧವಾರ ಲೋಕಾರ್ಪಣೆಗೊಳಿಸಿದ್ದು, ರಕ್ಷಣಾ ಕಾರ್ಯದರ್ಶಿ ಅಜಯ್ ಕುಮಾರ್ ಲೋಕಾರ್ಪಣೆ ಮಾಡಿದರು. ಇದು ನೌಕಾದಳದ ಸಾಮರ್ಥ್ಯವನ್ನು ಮತ್ತಷ್ಟು ವೃದ್ದಿಸಿದೆ.

  ಹಿಂದೂ ಮಹಾಸಾಗರದ ಆಳ ಸಮುದ್ರದ ಪರಭಕ್ಷಕ ಸ್ಯಾಂಡ್‌ಫಿಶ್‌ನ ಹೆಸರನ್ನು ನೂತನವಾಗಿ ಲೋಕಾರ್ಪಣೆಗೊಂಡ ನೌಕೆಗೆ ಇಡಲಾಗಿದೆ.