ಅಪ್ರಾಪ್ತ ಬಾಲಕನಿಂದ ಕಾಲು ನೆಕ್ಕಿಸಿದ ಯುವಕರು - ಏಳು ಮಂದಿಯ ಬಂಧನ

•   Tue, Apr 19 2022 12:02:24 PM



• ನವದೆಹಲಿ, ಏ 19 (DaijiworldNews/HR): ಉತ್ತರ ಪ್ರದೇಶದ ರಾಯ್ಬರೇಲಿಯಲ್ಲಿ ದಲಿತ ಸಮುದಾಯದ ಅಪ್ರಾಪ್ತ ಬಾಲಕನ ಮೇಲೆ ಕಿಡಿಗೇಡಿಗಳು ಹಲ್ಲೆ ನಡೆಸಿ, ಆತನಿಂದ ಅವರಲ್ಲಿ ಒಬ್ಬನ ಕಾಲು ನೆಕ್ಕಿಸಿದ ಘಟನೆ ನಡೆದಿದೆ.

  ಅಪ್ರಾಪ್ತ ಬಾಲಕನ ಮೇಲೆ ಕಿಡಿಗೇಡಿಗಳು ಹಲ್ಲೆ ನಡೆಸಿ, ಆತನಿಂದ ಅವರಲ್ಲಿ ಒಬ್ಬನ ಕಾಲು ನೆಕ್ಕಿಸಿದ್ದು, ಹುಡುಗನು ತನ್ನ ಕಿವಿಗಳ ಮೇಲೆ ಕೈಯಿರಿಸಿ ನೆಲದ ಮೇಲೆ ಕುಳಿತಿರುವ ವಿಡಿಯೋ ವೈರಲ್ ಆಗಿದೆ.

  ಇನ್ನು ಹಲ್ಲೆಯ ವಿಡಿಯೋ ವೈರಲ್ ಆದ ಬಳಿಕ ಪೊಲೀಸರು ಏಳು ಮಂದಿಯನ್ನು ಬಂಧಿಸಿದ್ದು, ಸಂತ್ರಸ್ತನ ಲಿಖಿತ ದೂರಿನ ನಂತರ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.