ರೋಪರ್ ಜಿಲ್ಲೆಯಲ್ಲಿ ಉರುಳಿಬಿದ್ದ ಗೂಡ್ಸ್ ರೈಲು

•   Mon, Apr 18 2022 10:26:27 AM



• ರೋಪರ್, ಏ 18 (DaijiworldNews/MS): ಪಂಜಾಬ್‌ನ ರೋಪರ್ ಜಿಲ್ಲೆಯಲ್ಲಿ ಗೂಡ್ಸ್ ರೈಲಿನ ಹಲವು ಬೋಗಿಗಳು ಮಗುಚಿ ಬಿದ್ದ ಪರಿಣಾಮ ಅನೇಕ ಸರಕು ಮತ್ತು ಪ್ಯಾಸೆಂಜರ್ ರೈಲುಗಳನ್ನು ರದ್ದುಗೊಳಿಸಲಾಗಿದೆ.

  ಅಪಘಾತವು ಮಧ್ಯರಾತ್ರಿ 12:35 ರ ಸುಮಾರಿಗೆ ಗುರುದ್ವಾರ ಪಥಾಸಾಹಿಬ್‌ಗೆ ಸಮೀಪವಿರುವ ಮಿಯಾನ್‌ಪುರ ಬಳಿ ನಡೆದಿದೆ.

  ಅಪಘಾತದ ಪರಿಣಾಮ ಗೂಡ್ಸ್ ರೈಲಿನ 16 ಬೋಗಿಗಳು ಉರುಳಿ ಬಿದ್ದಿವೆ. ರೈಲು ಹಳಿಯಲ್ಲಿದ್ದ ಬಿಡಾಡಿ ದನಗಳಿಗೆ ರೈಲಿನ ಇಂಜಿನ್ ಡಿಕ್ಕಿ ಹೊಡೆದಿದ್ದರಿಂದ ಈ ಅವಘಡ ಸಂಭವಿಸಿದೆ.

  ಗೂಡ್ಸ್ ರೈಲಿನಲ್ಲಿ 58 ಬೋಗಿಗಳಿದ್ದು, 16 ಬೋಗಿಗಳು ಹಳಿತಪ್ಪಿವೆ. ಜೈಪುರ ಮತ್ತು ದೆಹಲಿಯಿಂದ ಎರಡು ಸರಕು ರೈಲುಗಳನ್ನು ನಿಲ್ಲಿಸಲಾಗಿದೆ. ನಂಗಲ್ ಅಣೆಕಟ್ಟಿನಿಂದ ಅಮೃತಸರಕ್ಕೆ ಹೋಗುವ ರೈಲನ್ನು ಸಹ ರದ್ದುಗೊಳಿಸಲಾಗಿದೆ. ಜನ ಶತಾಬ್ದಿ ನಿಲ್ದಾಣ ಸೇರಿದಂತೆ ಸುಮಾರು ಹನ್ನೆರಡು ಪ್ಯಾಸೆಂಜರ್ ರೈಲುಗಳನ್ನು ರದ್ದುಗೊಳಿಸಲಾಗಿದೆ.