'ನಾವು ಸುಮ್ಮನಿದ್ದರೂ ಜ‌ನರು ಮತ ಹಾಕಿ ಗೆಲ್ಲಿಸುತ್ತಾರೆ' - ಹೆಚ್‌ಡಿಕೆ

•   Sun, Apr 17 2022 01:50:50 PM



• ಬೆಂಗಳೂರು, ಏ 17 (DaijiworldNews/HR): ಮುಂದಿನ ವಿಧಾನಸಭಾ ಚುನಾವಣೆಯಲ್ಲಿ ಜೆಡಿಎಸ್ ಪಕ್ಷವು 30 ರಿಂದ 40 ಸ್ಥಾನ ಗೆಲ್ಲುವುದು ದೊಡ್ಡದೇನು ಅಲ್ಲ. ನಾವು ಸುಮ್ಮನೆ ಇದ್ದರೂ ಜನರು ನಮಗೆ ಮತಹಾಕಿ, ಗೆಲ್ಲಿಸುತ್ತಾರೆ. ಆದ್ರೇ ನಾವು ಅಧಿಕಾರಕ್ಕೆ ಹಪಾಹಪಿಸ್ತಾ ಇಲ್ಲ ಎಂದು ಮಾಜಿ ಸಿಎಂ ಹೆಚ್ ಡಿ ಕುಮಾರಸ್ವಾಮಿ ಹೇಳಿದ್ದಾರೆ.

  ಈ ಕುರಿತು ಮಾತನಾಡಿದ ಅವರು, ನಾವು 30-40 ಸ್ಥಾನ ಗೆಲ್ಲುವುದು ದೊಡ್ಡದೇನು ಅಲ್ಲಾ, ನಾವು ಸುಮ್ಮನೆ ಇದ್ದರೂ ಜ‌ನರು ನಮಗೆ ಮತ ಹಾಕಿ ಗೆಲ್ಲಿಸುತ್ತಾರೆ. ನಾವು ಅಧಿಕಾರಕ್ಕಾಗಿ ಹಪಾಹಪಿಸುತ್ತಿಲ್ಲ. ನಮ್ಮ ಗುರಿ ಏನಿದ್ದರೂ 123 ಮಿಷನ್ ಆಗಿದೆ ಎಂದರು.

  ಇನ್ನು ಜೆಡಿಎಸ್ ಪಕ್ಷದ ನಾಯಕರು ಚಳಿ ಬಿಟ್ಟು ಜನರ ಬಳಿ ಕೆಲಸ ಮಾಡಬೇಕು. ಆಗ ಪಕ್ಷ ಸ್ವತಂತ್ರವಾಗಿ ಅಧಿಕಾರಕ್ಕೆ ಬರಲಿದೆ. ಎಲ್ಲಾ ಸಮಾಜವನ್ನ ಒಟ್ಟಿಗೆ ಕರೆದುಕೊಂಡು ಹೋಗುವ ಜವಾಬ್ದಾರಿ ಇಬ್ರಾಹಿಂ ಮೇಲಿದೆ ಎಂದು ಹೇಳಿದ್ದಾರೆ.