'ರಾಜ್ಯದಲ್ಲೂ ಗುಜರಾತ್, ಯುಪಿ ಮಾದರಿ ಕಾನೂನು ಜಾರಿಗೆ ತರುತ್ತೇವೆ' - ನಳಿನ್ ಕುಮಾರ್ ಕಟೀಲ್

•   Sun, Apr 17 2022 01:23:24 PM



• ಹೊಸಪೇಟೆ, ಏ 17 (DaijiworldNews/HR): ಹುಬ್ಬಳ್ಳಿಯಲ್ಲಿ ಗಲಭೆ ಸೃಷ್ಟಿಸಿರುವ ಮತಾಂಧರ ಹಿಂದಿರುವ ಶಕ್ತಿಯ ಯಾವುದೆಂದು ತನಿಖೆ ಮಾಡುತ್ತೇನೆ. ಗುಜರಾತ್, ಉತ್ತರ ಪ್ರದೇಶದ ಮಾದರಿ ಕಾನೂನುನ್ನು ಕರ್ನಾಟಕದಲ್ಲಿಯೂ ಜಾರಿಗೆ ತರುತ್ತೇವೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಹೇಳಿದ್ದಾರೆ.

  ಹುಬ್ಬಳ್ಳಿಯಲ್ಲಿ ಶನಿವಾರ ತಡರಾತ್ರಿ ನಡೆದ ಗಲಭೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಿಡಿಕಾರಿರುವ ಅವರು, ಸೋಶಿಯಲ್ ಮೀಡಿಯಾದ ವಿವಾದಾತ್ಮಕ ಕಾರಣ ಮುಂದಿಟ್ಟು ಮತಾಂಧರು ಗಲಭೆ ಸೃಷ್ಟಿಸಿದ್ದಾರೆ ಎಂದರು.

  ಇನ್ನು ಸೋಶಿಯಲ್ ಮೀಡಿಯಾದ ಪೋಸ್ಟ್ ಮಾಡಿರುವ ಕಾರಣ ಇಟ್ಟುಕೊಂಡು ಹುಬ್ಬಳ್ಳಿಯಲ್ಲಿ ಗಲಭೆ ಸೃಷ್ಟಿಸಲಾಗಿದ್ದು, ಮತಾಂಧರು ಶಾಂತಿ, ಭಯದ ವಾತಾವರಣ ಸೃಷ್ಟಿಸುತ್ತಿದ್ದಾರೆ. ಸಣ್ಣ ಸಣ್ಣ ವಿಷಯಕ್ಕೆ ಬೆಂಕಿ ಹಚ್ಚು ಕೆಲಸ ಮಾಡುತ್ತಿದ್ದಾರೆ ಎಂದು ವಾಗ್ದಾಳಿ ನಡೆಸಿದ್ದಾರೆ.