ಮುಂಬೈ , ಏ 13 (DaijiworldNews/HR): ಮನಿ ಲಾಂಡರಿಂಗ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಹಾರಾಷ್ಟ್ರದ ಸಚಿವ ನವಾಬ್ ಮಲಿಕ್ ಅವರ ಆಸ್ತಿಯನ್ನ ಇಡಿ ಮುಟ್ಟುಗೋಲು ಹಾಕಿಕೊಂಡಿದ್ದು, ಇದರಲ್ಲಿ ಮುಂಬೈನಲ್ಲಿ ಮತ್ತು ಒಸ್ಮಾನಾಬಾದ್ನಲ್ಲಿ 148 ಎಕರೆ ಭೂಮಿ ಸೇರಿದೆ.
ನವಾಬ್ ಮಲಿಕ್ ಅವರಿಗೆ ಸೇರಿದ ಐದು ಫ್ಲ್ಯಾಟ್ʼಗಳನ್ನ ಇಡಿ ವಶಪಡಿಸಿಕೊಂಡಿದ್ದು, ಇವುಗಳಲ್ಲಿ ಮೂರು ಫ್ಲ್ಯಾಟ್ʼಗಳು ಕುರ್ಲಾದಲ್ಲಿ ಮತ್ತು ಎರಡು ಫ್ಲ್ಯಾಟ್ʼಗಳು ಬಾಂದ್ರಾ ಪ್ರದೇಶಲ್ಲಿವೆ.
ಇನ್ನು ನವಾಬ್ ಮಲಿಕ್ ಮನಿ ಲಾಂಡರಿಂಗ್ʼಗೆ ಸಂಬಂಧಿಸಿದ ಆಸ್ತಿಯನ್ನ ಸಂಪಾದಿಸಿದ್ದು, ಆಸ್ತಿಯನ್ನ ವಶಪಡಿಸಿಕೊಳ್ಳಲಾಗಿದೆ ಎಂದು ಇಡಿ ಹೇಳಿದೆ.
ದಾವೂದ್ ಇಬ್ರಾಹಿಂಗೆ ಸಂಬಂಧಿಸಿದ ಹಣಕಾಸು ವ್ಯವಹಾರಗಳಿಂದ ಆಸ್ತಿಗಳನ್ನ ತೆಗೆದುಕೊಳ್ಳಲಾಗಿದ್ದು, ಇಡಿ ನೀಡಿದ ಮಾಹಿತಿಯ ಪ್ರಕಾರ ಮಲಿಕ್ ಆಸ್ತಿಯಿಂದ ಸುಮಾರು 11.70 ಕೋಟಿ ರೂಪಾಯಿ ಮೌಲ್ಯದ ಆಸ್ತಿ ಜಪ್ತಿ ಮಾಡಿದೆ.