'ಭಾರತದ ಕೋವಿಡ್-19 ವ್ಯಾಕ್ಸಿನ್‌ನಿಂದ ಉತ್ತಮ ರಕ್ಷಣೆ-'ಅದರ್ ಪೂನಾವಾಲ

•   Wed, Apr 13 2022 04:46:27 PM



• ನವದೆಹಲಿ, ಏ 13 (DaijiworldNews/DB): ಪಿಫೈಝರ್ ಮತ್ತು ಮೋಡೆರ್ನಾ ಔಷಧಿಗಳಿಗಿಂತ ಭಾರತದಲ್ಲಿ ತಯಾರಿಸಲ್ಪಟ್ಟ ಕೋವಿಡ್-19 ವ್ಯಾಕ್ಸಿನ್ ಕೊರೊನಾ ವೈರಸ್‌ನಿಂದ ಹೆಚ್ಚಿನ ರಕ್ಷಣೆ ನೀಡುತ್ತದೆ ಎಂದು ಸೆರಮ್ ಇನ್ಸ್‌‌ಟಿಟ್ಯೂಟ್ ಆಫ್ ಇಂಡಿಯಾದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅದರ್ ಪೂನಾವಾಲ ಹೇಳಿದ್ದಾರೆ.

  ಸುದ್ದಿಸಂಸ್ಥೆಯೊಂದರ ಜೊತೆ ಮಾತನಾಡಿದ ಅವರು, ಪಿಫೈಝರ್ ಮತ್ತು ಮೋಡೆರ್ನಾ ವ್ಯಾಕ್ಸಿನ್‌ಗಳನ್ನು ಭಾರತದಲ್ಲಿ ಪರಿಚಯಿಸದಿರುವುದು ಒಳ್ಳೆಯ ಬೆಳವಣಿಗೆ. ಏಕೆಂದರೆ ಯುಎಸ್‌ನಂತಹ ದೇಶಗಳಲ್ಲಿ ಜನ ಎರಡು ಮತ್ತು ಮೂರನೇ ಬೂಸ್ಟರ್ ಡೋಸ್‌ಗಳನ್ನು ತೆಗೆದುಕೊಂಡ ಹೊರತಾಗಿಯೂ ಕೊರೊನಾ ವೈರಸ್‌ಗೆ ಮತ್ತೆ ಒಳಗಾಗುತ್ತಿದ್ದಾರೆ. ಹಲವರು ಈಗಾಗಲೇ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಆದರೆ ಭಾರತದ ವ್ಯಾಕ್ಸಿನ್ ಉತ್ತಮ ರಕ್ಷಣೆ ನೀಡುತ್ತಿದೆ ಎಂದರು.

  ಕೋವಿಶೀಲ್ಡ್ ವ್ಯಾಕ್ಸಿನ್‌ನ್ನು ಭಾರತವು ಈವರೆಗೆ 80ಕ್ಕೂ ಹೆಚ್ಚು ದೇಶಗಳಿಗೆ 10 ಕೋಟಿಗೂ ಅಧಿಕ ಡೋಸ್‌ಗಳನ್ನು ರಫ್ತು ಮಾಡಿದೆ. ಪ್ರಸ್ತುತ ಕೋವಿಡ್ ಪ್ರಕರಣಗಳ ಸಂಖ್ಯೆ ಕಡಿಮೆಯಾದ ಹಿನ್ನೆಲೆಯಲ್ಲಿ ವ್ಯಾಕ್ಸಿನ್ ಬೇಡಿಕೆ ಪ್ರಮಾಣವೂ ಕಡಿಮೆಯಾಗಿದೆ ಎಂದವರು ತಿಳಿಸಿದರು.