'ದೇಶದ ಎಲ್ಲ ನಿಘಂಟುಗಳಿಂದ ಶೂದ್ರ ಪದ ತೆಗೆದು ಹಾಕಿ ಶುದ್ಧ ಎಂದು ಬಳಸೋಣ' - ಹಂಸಲೇಖ

•   Sun, Apr 10 2022 08:41:09 AM



• ಚಿತ್ರದುರ್ಗ, ಏ 10 DaijiworldNews/HR): ದೇಶದಲ್ಲಿರುವ ಎಲ್ಲ ನಿಘಂಟುಗಳಿಂದಲೂ ಶೂದ್ರ ಎಂಬ ಪದ ತೆಗೆದು ಹಾಕಿ. ಅದರ ಬದಲಿಗೆ ಶುದ್ಧ ಪದ ಬಳಸೋಣ ಎಂದು ಖ್ಯಾತ ಸಂಗೀತ ನಿರ್ದೇಶಕ ಹಂಸಲೇಖ ಹೇಳಿದ್ದಾರೆ.

  ಈ ಕುರಿತು ಮಾತನಾಡಿದ ಅವರು, ದೇಶದ ಎಲ್ಲ ನಿಘಂಟುಗಳಿಂದಲೂ 'ಶೂದ್ರ' ಎಂಬ ಪದ ತೆಗೆದು ಹಾಕಿ. ಅದರ ಬದಲಿಗೆ ಶುದ್ಧ ಎಂಬ ಪದ ಬಳಸೋಣ. ದೇಶದಲ್ಲಿ ನಾವು ಶುದ್ಧರೇ ಆಗಿದ್ದೇವೆ. ಇದನ್ನು ಬಂಧುತ್ವ ವೇದಿಕೆ ಪ್ರಣಾಳಿಕೆಯಲ್ಲೂ ಸೇರಿಸಬೇಕು. ಈ ಕುರಿತು ಹಾಡೊಂದನ್ನು ರಚಿಸಿ ಅಂಬೇಡ್ಕರ್​ ಜನ್ಮದಿನದಂದು ನಾಡಿಗೆ ಸಮರ್ಪಿಸುತ್ತೇನೆ ಎಂದರು.

  ಇನ್ನು ಶುದ್ಧ-ಪ್ರಬುದ್ಧರು ಇಂದು ನಮ್ಮ ನಾಯಕರಾಗ ಬೇಕಿದ್ದು, ಅವರ ಮೂಲಕ ನಮ್ಮ ಪ್ರಜಾಪ್ರಭುತ್ವನ್ನು ಉಳಿಸಿ-ಗೆಲ್ಲಿಸುವ ನಿಟ್ಟಿನಲ್ಲಿ ನಾವೆಲ್ಲರೂ ಹೊಣೆಯರಿತ ಜ್ಞಾನಿಗಳಾಗಬೇಕಿದೆ. ನೀವು ಶುದ್ಧರಾಗಿ, ಸೇವೆಯಲ್ಲೂ ಶುದ್ಧತೆ ಇರಲಿ, ಶುದ್ಧತೆ ಹೊಂದಿದವರನ್ನು ಅಧಿಕಾರಕ್ಕೆ ತರಬೇಕಿದೆ ಎಂದು ಹೇಳಿದ್ದಾರೆ.