ಫೋಟೋಶೂಟ್​ ವೇಳೆ ನದಿಗೆ ಜಾರಿ ಬಿದ್ದ ನವ ದಂಪತಿ - ವರ ಮೃತ್ಯು, ವಧುವಿನ ಸ್ಥಿತಿ ಗಂಭೀರ

•   Tue, Apr 05 2022 08:59:30 AM



• ಕೇರಳ, ಏ 05 (DaijiworldNews/HR): ಪೋಸ್ಟ್​​ ವೆಡ್ಡಿಂಗ್​ ಫೋಟೋಶೂಟ್‌ ನಡೆಸುವ ವೇಳೆ ನವವಿವಾಹಿತರು ಬಂಡೆಯಿಂದ ಜಾರಿ ಬಿದ್ದು ನೀರಿಗೆ ಬಿದ್ದಿದ್ದು, ಮದುಮಗ ಮೃತಪಟ್ಟು ಮದುಮಗಳು ಆಸ್ಪತ್ರೆಗೆ ದಾಖಲಾಗಿರುವ ಘಟನೆ ಕೇರಳದ ಜಾನಕಿಕಾಡು ಬಳಿಯ ಕುಟ್ಟಿಯಾಡಿ ನದಿಯಲ್ಲಿ ನಡೆದಿದೆ.

  ಮೃತ ವ್ಯಕ್ತಿಯನ್ನು ರೆಜಿಲ್ ಎಂದು ಗುರುತಿಸಲಾಗಿದ್ದು, ಪತ್ನಿ ಕಾರ್ತಿಕಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

  ನವ ದಂಪತಿಗಳು ಬಂಡೆಯ ಮೇಲೆ ನಿಂತು ಪೋಟೋಗೆ ಫೋಸ್‌ ಕೊಡುತ್ತಿದ್ದು, ಈ ವೇಳೆ ಜಾರಿ ನದಿಗೆ ಬಿದ್ದಿದ್ದಾರೆ ಎನ್ನಲಾಗಿದೆ.

  ಇನ್ನು ಮಾರ್ಚ್ 14 ರಂದು ರೆಜಿಲ್ ಮತ್ತು ಕಾರ್ತಿಕಾ ವಿವಾಹವಾಗಿದ್ದು, ದಂಪತಿಗಳು ಮದುವೆಯ ನಂತರದ ಫೋಟೋ ಶೂಟ್‌ಗಾಗಿ ನದಿಗೆ ತೆರಳಿದ್ದ ವೇಳೆ ದುರಂತ ಸಂಭವಿಸಿದೆ.

  ಈ ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.