ಭಾರತ ಗಡಿಗೆ ನುಸುಳಿದ್ದ ಪಾಕ್ ಮೀನುಗಾರಿಕಾ ದೋಣಿ ಬಿಎಸ್ ಎಫ್ ವಶಕ್ಕೆ

•   Mon, Apr 04 2022 03:12:59 PM



• ನವದೆಹಲಿ, ಏ 04 (DaijiworldNews/DB): ಗುಜರಾತ್‌ನ ಕಚ್ ಜಿಲ್ಲೆಯ ಅರಬ್ಬಿ ಸಮುದ್ರದ ಬಳಿ ಇಂಡೋ-ಪಾಕ್ ಗಡಿಯ ಸನಿಹದ ಹರಾಮಿ ನಾಲಾ ಕ್ರೀಕ್ ಪ್ರದೇಶದಲ್ಲಿ ಪಾಕಿಸ್ತಾನದ ಮೀನುಗಾರಿಕಾ ದೋಣಿಯನ್ನು ಗಡಿ ಭದ್ರತಾ ಪಡೆ ಭಾನುವಾರ ವಶಪಡಿಸಿಕೊಂಡಿದೆ.

  ಈ ಕುರಿತು ಸೋಮವಾರ ಮಾಹಿತಿ ನೀಡಿರುವ ಬಿಎಸ್‌ಎಫ್ ಅಧಿಕಾರಿಗಳು, ಗಸ್ತು ತಿರುಗುತ್ತಿದ್ದ ವೇಳೆ ರಾತ್ರಿ 8:30 ರ ಸುಮಾರಿಗೆ ಗಡಿ ಪಿಲ್ಲರ್ ಸಂಖ್ಯೆ 1164 ರ ಬಳಿ ಎರಡು ಪಾಕಿಸ್ತಾನಿ ಮೀನುಗಾರಿಕಾ ದೋಣಿಗಳನ್ನು ಗಡಿ ಭದ್ರತಾ ಪಡೆ ತಂಡ ಗುರುತಿಸಿದೆ. ಆ ಬಳಿಕ ಹರಾಮಿ ನಾಲಾ ಪ್ರದೇಶದ ಗಡಿ ಪಿಲ್ಲರ್ ಸಂಖ್ಯೆ 1160 ರ ಬಳಿ ಭಾರತಕ್ಕೆ ಸೇರಿದ ಪ್ರದೇಶದ ಸುಮಾರು 100 ಮೀ. ದೂರದಲ್ಲಿ ಸುಮಾರು ಐವರು ಪಾಕ್ ಮೀನುಗಾರರನ್ನು ಕೂಡಾ ಗಮನಿಸಿದೆ. ಹೀಗಾಗಿ ತತ್ ಕ್ಷಣ ಕಾರ್ಯಾಚರಣೆಗಿಳಿದ ತಂಡ ಅದನ್ನು ವಶಕ್ಕೆ ಪಡೆದಿದೆ ಎಂದು ತಿಳಿಸಿದ್ದಾರೆ.

  ದೋಣಿಯಲ್ಲಿ ಮೀನು, ಬಲೆ, ಇತರ ಮೀನುಗಾರಿಕೆ ಸಂಬಂಧಿ ಉಪಕರಣ ಹೊರತುಪಡಿಸಿ ಬೇರೇನು ಪತ್ತೆಯಾಗಿಲ್ಲ. ಕೆಲವು ಮೀನುಗಾರರು ಇನ್ನೊಂದು ದೋಣಿ ಮೂಲಕ ಪರಾರಿಯಾಗಿದ್ದಾರೆ ಎಂದು ಹೇಳಿದ್ದಾರೆ.