2 ವರ್ಷಗಳ ಬಳಿಕ ಭಾನುವಾರದಿಂದ ನಿಯಮಿತ ಅಂತರರಾಷ್ಟ್ರೀಯ ವಿಮಾನ ಸೇವೆ ಪುನರಾರಂಭ

•   Sat, Mar 26 2022 08:52:17 PM



• ನವದೆಹಲಿ, ಮಾ 26 (DaijiworldNews/HR): ಕೊರೊನಾದಿಂದಾಗಿ ಎರಡು ವರ್ಷಗಳ ಬಳಿಕ ವಿಮಾನ ನಿಲ್ದಾಣಗಳು ಮತ್ತು ವಿಮಾನಯಾನ ಸಂಸ್ಥೆಗಳು ಸಾಮಾನ್ಯ ವಿದೇಶಿ ಕಾರ್ಯಾಚರಣೆಗಳಿಗೆ ಸಿದ್ಧವಾಗಿದ್ದು, ನಿಯಮಿತ ಅಂತರರಾಷ್ಟ್ರೀಯ ವಿಮಾನ ಸೇವೆ ಭಾನುವಾರದಿಂದ(ಮಾ.27) ಪುನರಾರಂಭಗೊಳ್ಳಲಿವೆ.

  ಕೊರೊನಾದಿಂದಾಗಿ ಕುಟಿಂತಗೊಂಡಿದ್ದ ವಿಮಾನಯಾನ ಉದ್ಯಮವು ನಿಧಾನವಾಗಿ ಸಹಜ ಸ್ಥಿತಿಗೆ ಮರಳುತ್ತಿದ್ದು, ಸಾಮಾನ್ಯ ವಿದೇಶಿ ವಿಮಾನಗಳ ಪುನರಾರಂಭವು ಈ ವಲಯಕ್ಕೆ ಉತ್ತೇಜನವನ್ನ ನೀಡುತ್ತದೆ ಎನ್ನಲಾಗಿದೆ.

  ಇನ್ನು ದೆಹಲಿಯ ಇಂದಿರಾ ಗಾಂಧಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ನಿಯಮಿತ ಅಂತರರಾಷ್ಟ್ರೀಯ ಕಾರ್ಯಾಚರಣೆಗಳನ್ನ ಪುನರಾರಂಭಿಸಿದ ನಂತರ ಏಪ್ರಿಲ್ ಮೊದಲ ವಾರದಲ್ಲಿ ಅಂತರರಾಷ್ಟ್ರೀಯ ವಿಮಾನ ನಿರ್ಗಮನವು ಗಮನಾರ್ಹ ಏರಿಕೆಗೆ ಸಾಕ್ಷಿಯಾಗಲಿದೆ.