ಸಿದ್ದರಾಮಯ್ಯ ವೀರಕುಣಿತ ವೀಡಿಯೋ ಹಂಚಿಕೊಂಡ ಬಿಜೆಪಿ ಸಚಿವ

•   Fri, Mar 25 2022 06:26:31 PM



• ಬೆಂಗಳೂರು, ಮಾ 25 (DaijiworldNews/DB): ವಿಪಕ್ಷ ನಾಯಕ ಸಿದ್ದರಾಮಯ್ಯ ಅವರು ಸಿದ್ದರಾಮನ ಹುಂಡಿ ಜಾತ್ರೆಯಲ್ಲಿ ವೀರ ಕುಣಿತದ ಹೆಜ್ಜೆ ಹಾಕಿರುವ ವೀಡಿಯೋವನ್ನು ಬಿಜೆಪಿ ನಾಯಕ, ಕೈಗಾರಿಕಾ ಸಚಿವ ಡಾ. ಮುರುಗೇಶ್ ನಿರಾಣಿಯವರು ಹಂಚಿಕೊಂಡಿದ್ದಾರೆ.

  ಸಿದ್ದರಾಮಯ್ಯ ಅವರು ನೃತ್ಯ ಮಾಡಿರುವುದನ್ನು ಅವರ ಪುತ್ರ ಡಾ. ಯತೀಂದ್ರ ಸಿದ್ದರಾಮಯ್ಯ ಅವರು ಟ್ವೀಟರ್ ನಲ್ಲಿ ವೀಡಿಯೋ ಸಮೇತ ಪೋಸ್ಟ್ ಮಾಡಿದ್ದರು. ಇದನ್ನು ರೀ ಟ್ವೀಟ್ ಮಾಡಿರುವ ಕೈಗಾರಿಕಾ ಸಚಿವ ಡಾ. ಮುರುಗೇಶ್ ನಿರಾಣಿ, ಜಾತ್ರೆಗಳೆಂದರೆ ಹಾಗೆ ಸಂಭ್ರಮ, ಸಡಗರ, ಸಂತೋಷ ಮನೆ ಮಾಡಿರುತ್ತದೆ. ನಾವು ಎಷ್ಟೇ ಎತ್ತರಕ್ಕೆ ಬೆಳೆದರೂ ನಮ್ಮ ಬೇರನ್ನು ಎಂದಿಗೂ ಮರೆಯಬಾರದು. ಅಂತೆಯೇ ಸಿದ್ದರಾಮೇಶ್ವರ ದೇವರ ಜಾತ್ರೆಯಲ್ಲಿ ಸಿದ್ದರಾಮಯ್ಯ ಅವರು ವೀರ ಕುಣಿತಕ್ಕೆ ಹೆಜ್ಜೆ ಹಾಕಿದ್ದನ್ನು ಕಂಡು ನಮ್ಮೂರಿನ ಜಾತ್ರೆ ನೆನಪಾಯಿತು ಎಂದು ಬರೆದುಕೊಂಡಿದ್ದಾರೆ.

  ಮೈಸೂರಿನ ಸಿದ್ದರಾಮನ ಹುಂಡಿಯಲ್ಲಿ ಸಿದ್ದರಾಮೇಶ್ವರ ದೇವರ ಜಾತ್ರೆಯಲ್ಲಿ ಸಿದ್ದರಾಮಯ್ಯ ಅವರು ತಮ್ಮ ಸಂಗಡಿಗರೊಂದಿಗೆ ವೀರಕುಣಿತದ ನೃತ್ಯಕ್ಕೆ ಹೆಜ್ಜೆ ಹಾಕಿದ್ದಾರೆ. ಈ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿತ್ತಲ್ಲದೆ, ಅವರ ನೃತ್ಯದ ಶೈಲಿಗೆ ಜನಸಾಮಾನ್ಯರು ಮಾತ್ರವಲ್ಲದೆ, ಪಕ್ಷಾತೀತವಾಗಿ ಹಲವರಿಂದ ಮೆಚ್ಚುಗೆ ವ್ಯಕ್ತವಾಗಿತ್ತು.

  ಜಾತ್ರೆಗಳೆಂದರೆ ಹಾಗೆ ಸಂಭ್ರಮ, ಸಡಗರ, ಸಂತೋಷ ಮನೆ ಮಾಡಿರುತ್ತದೆ. ನಾವು ಎಷ್ಟೇ ಎತ್ತರಕ್ಕೆ ಬೆಳೆದರೂ ನಮ್ಮ ಬೇರನ್ನು ಎಂದಿಗೂ ಮರೆಯಬಾರದು. ಅಂತೆಯೇ ಸಿದ್ದರಾಮೇಶ್ವರ ದೇವರ ಜಾತ್ರೆಯಲ್ಲಿ ಮಾಜಿ ಸಿಎಂ ಶ್ರೀ ಸಿದ್ದರಾಮಯ್ಯ ಅವರು ವೀರ ಕುಣಿತಕ್ಕೆ ಹೆಜ್ಜೆ ಹಾಕಿದ್ದನ್ನು ಕಂಡು ನಮ್ಮೂರಿನ ಜಾತ್ರೆ ನೆನಪಾಯಿತು. https://t.co/Di23F2OSDE

  — Dr. Murugesh R Nirani (@NiraniMurugesh) March 25, 2022