'ಬಿಜೆಪಿ ದೆಹಲಿ ಪುರಸಭೆ ಚುನಾವಣೆ ಗೆದ್ದರೆ ಎಎಪಿ ರಾಜಕೀಯದಿಂದ ದೂರ ಉಳಿಯಲಿದೆ'-ಕೇಜ್ರೀವಾಲ್ ಸವಾಲು

•   Wed, Mar 23 2022 02:59:16 PM



• ನವದೆಹಲಿ, ಮಾ 23 (DaijiworldNews/DB): ದೆಹಲಿ ಪುರಸಭೆ ಚುನಾವಣೆಯನ್ನು ಸೂಕ್ತ ಸಮಯದಲ್ಲಿ ನಡೆಸಿ ಬಿಜೆಪಿ ಗೆದ್ದರೆ ಆಮ್ ಆದ್ಮಿ ಪಕ್ಷ ರಾಜಕೀಯದಿಂದ ದೂರ ಉಳಿಯಲಿದೆ ಎಂದು ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರೀವಾಲ್ ಸವಾಲು ಹಾಕಿದ್ದಾರೆ.

  ದೆಹಲಿಯಲ್ಲಿ ಪುರಸಭೆ ಚುನಾವಣೆ ಮುಂದೂಡಿಕೆ ಮಾಡಿದ ಕುರಿತು ಮಾತನಾಡಿದ ಅವರು, ಬಿಜೆಪಿಗೆ ಚುನಾವಣೆಯಲ್ಲಿ ಸೋಲುವ ಆತಂಕ ಎದುರಾಗಿದೆ. ಅದಕ್ಕಾಗಿಯೇ ಪುರಸಭೆ ಚುನಾವಣೆಯನ್ನು ಮುಂದೂಡುತ್ತಿದೆ. ಸೂಕ್ತ ಸಮಯದಲ್ಲಿ ಚುನಾವಣೆ ನಡೆಸಬೇಕು. ಅಲ್ಲದೆ, ಈ ಚುನಾವಣೆಯಲ್ಲಿ ಬಿಜೆಪಿ ಗೆದ್ದರೆ ಎಎಪಿ ರಾಜಕೀಯ ತೊರೆಯಲಿದೆ ಎಂದರು.

  ವಿಶ್ವದಲ್ಲಿಯೇ ನಮ್ಮದು ದೊಡ್ಡ ರಾಜಕೀಯ ಪಕ್ಷ ಎಂಬುದಾಗಿ ಆ ಪಕ್ಷದ ನಾಯಕರು ಹೇಳಿಕೊಳ್ಳುತ್ತಾರೆ. ಆದರೆ ಎಎಪಿಯಂತಹ ಪುಟ್ಟ ಪಕ್ಷಕ್ಕೆ ಅವರು ಹೆದರುತ್ತಿದ್ದಾರೆ. ಇದೇ ಭಯದಿಂದ ಪುರಸಭೆ ಚುನಾವಣೆಯನ್ನು ಅವರು ಮುಂದೂಡುತ್ತಿದ್ದಾರೆ ಎಂದವರು ತಿಳಿಸಿದರು.