ದ್ವಿಚಕ್ರ ಸವಾರನ ಮೇಲೆ ನೀರು ತುಂಬಿದ ಬಲೂನ್ ಎಸೆದ ಬಾಲಕ - ಸರಣಿ ಅಪಘಾತ , ವ್ಯಕ್ತಿ ಸಾವು

•   Fri, Mar 18 2022 04:21:54 PM



• ಮುಂಬೈ, ಮಾ 18 (DaijiworldNews/MS): ಟ್ರಕ್‌ನಲ್ಲಿ ಪ್ರಯಾಣಿಸುತ್ತಿದ್ದ ಬಾಲಕ ಹೋಳಿ ಹಬ್ಬದ ಕಾರಣದಿಂದ ನೀರು ತುಂಬಿದ ಬಲೂನ್ ಅನ್ನು ಸ್ಕೂಟರ್ ಚಾಲಕನ ಮೇಲೆ ಎಸೆದ ಕಾರಣ ಸರಣಿ ಅಪಘಾತ ನಡೆದು ವ್ಯಕ್ತಿಯ ಸಾವಿಗೆ ಕಾರಣವಾದ ಘಟನೆ ಮುಂಬೈನಲ್ಲಿ ನಡೆದಿದೆ.

  ವಿರಾರ್‌ನ ಅಗಾಶಿ ಪ್ರದೇಶದಲ್ಲಿ ಗುರುವಾರ ರಾತ್ರಿ ಈ ಘಟನೆ ನಡೆದಿದ್ದು, ಮೃತರನ್ನು 54 ವರ್ಷದ ರಾಮಚಂದ್ರ ಪಟೇಲ್ ಎಂದು ಗುರುತಿಸಲಾಗಿದೆ.

  ಮಹಾರಾಷ್ಟ್ರದ ಪಾಲ್ಘರ್‌ನ ಪೊಲೀಸರ ಪ್ರಕಾರ, " ಹೋಳಿ ದೀಪೋತ್ಸವಕ್ಕಾಗಿ ಕಟ್ಟಿಗೆಯನ್ನು ಸಾಗಿಸುತ್ತಿದ್ದ ಟ್ರಕ್‌ನಲ್ಲಿ ಪ್ರಯಾಣಿಸುತ್ತಿದ್ದ ಬಾಲಕ ನೀರು ತುಂಬಿದ ಬಲೂನ್ ನನ್ನು ರಸ್ತೆಯಲ್ಲಿ ಸಾಗುತ್ತಿದ್ದ ದ್ವಿ ಚಕ್ರ ಸವಾರನ ಮೇಲೆ ಎಸೆದಿದ್ದಾನೆ. ಇದರಿಂದ ಸವಾರನು ವಾಹನದ ನಿಯಂತ್ರಣವನ್ನು ಕಳೆದುಕೊಂಡು ಅಡ್ದ ದಿಡ್ದಿ ಚಲಿಸಿ, ಮೃತ ರಾಮಚಂದ್ರ ಪಟೇಲ್ ಸಾಗುತ್ತಿದ್ದ ಸೈಕಲ್ ಗೆ ಢಿಕ್ಕಿ ಹೊಡೆದಿದೆ. ಇದರ ಪರಿಣಾಮ ಸೈಕಲ್ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ತನಿಖೆ ನಡೆಯುತ್ತಿದೆ " ಎಂದು ಹೇಳಿದ್ದಾರೆ.