ಉತ್ತರ ಪ್ರದೇಶ: ಕೇಂದ್ರ ಸಚಿವರ ಪುತ್ರನ ಜೀಪು ರೈತರನ್ನು ಕೊಂದಿತ್ತು-ಅಖಿಲೇಶ್ ಯಾದವ್

•   Thu, Mar 17 2022 07:43:39 PM



• ಲಖನೌ, ಮಾ.17 (DaijiworldNews/SM): ಕಳೆದವಾರವಷ್ಟೇ ಬಿಡುಗಡೆಗೊಂಡು ದೇಶದೆಲ್ಲೆಡೆ ಕಾಶ್ಮೀರಿ ಫೈಲ್ಸ್ ಚಿತ್ರ ಸದ್ದು ಮಾಡುತ್ತಿದೆ. ಕಾಶ್ಮೀರದಲ್ಲಿ ಪಂಡಿತರ ಹತ್ಯೆಯ ಬಗ್ಗೆ ಚಿತ್ರದಲ್ಲಿ ವಿವರಿಸಲಾಗಿದೆ. ಅದೇ ರೀತಿಯಲ್ಲಿ ಕೇಂದ್ರ ಸಚಿವರ ಪುತ್ರನ ಜೀಪು ರೈತರನ್ನು ಬಲಿ ಪಡೆದಿರುವುದು ಕೂಡ ಸಿನಿಮಾದ ಮೂಲಕ ದೇಶ ವ್ಯಾಪಿ ತಿಳಿಯಬೇಕಿದೆ ಎಂದು ಸಮಾಜವಾದಿ ಪಕ್ಷದ ಅಧ್ಯಕ್ಷ ಅಖಿಲೇಶ್ ಯಾದವ್ ತಿಳಿಸಿದ್ದಾರೆ.

  
  ಕೇಂದ್ರ ಸರಕಾರ ಮೂರು ಕೃಷಿ ಕಾಯ್ದೆಗಳ ವಿರುದ್ಧ ರೈತರು ಆಂದೋಲನ ನಡೆಸುತ್ತಿದ್ದಾಗ ಲಖಿಂಪುರದಲ್ಲಿ ಭಾರೀ ಹಿಂಸಾಚಾರ ನಡೆದಿತ್ತು. ಈ ಸಂದರ್ಭದಲ್ಲಿ ಕೇಂದ್ರ ಗೃಹ ಸಚಿವ ಅಜಯ್ ಮಿಶ್ರಾ ಅವರ ಪುತ್ರನ ಮಾಲಿಕತ್ವದ ಜೀಪೊಂದನ್ನು ರೈತರ ಮೇಲೆ ಚಲಾಯಿಸಲಾಗಿತ್ತು. ಆ ಮೂಲಕ ನಾಲ್ವರು ರೈತರನ್ನು ಹತ್ಯೆ ಮಾಡಲಾಗಿತ್ತು. 2021ರ ಅಕ್ಟೋಬರ್ ನಲ್ಲಿ ಘಟನೆ ನಡೆದಿತ್ತು.
  ಕಾಶ್ಮೀರಿ ಫೈಲ್ಸ್ ನಂತೆ ಇದನ್ನು ಕೂಡ ಸಿನಿಮಾ ಮಾಡುವ ಅಗತ್ಯವಿದೆ ಎಂದು ಅಖಿಲೇಶ್ ಯಾದವ್ ತಿಳಿಸಿದ್ದಾರೆ.