ಶಾಸಕರ ಮೊಮ್ಮಗನೆಂದು ಬೈಕ್​ ನಂಬರ್​ ಪ್ಲೇಟ್​ ಮೇಲೆ ಬರೆದುಕೊಂಡ ಯುವಕ - ಫೋಟೋ ವೈರಲ್

•   Thu, Mar 17 2022 05:39:34 PM



• ತಮಿಳುನಾಡು, ಮಾ 17 (DaijiworldNews/HR): ನಾಗರಕೋಯಿಲ್​ ಶಾಸಕ ಎಂ ಆರ್​ ಗಾಂಧಿ ಮೊಮ್ಮಗ ಎಂದು ಬರೆಯಲಾದ ನಂಬರ್​ ಪ್ಲೇಟ್​ ಹೊಂದಿರುವ ಬೈಕ್​ನ ಮೇಲೆ ಯುವಕನೊಬ್ಬ ಕುಳಿತಿರುವ ಫೋಟೋ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ.

  ಬಿಜೆಪಿಯ ಎಂ ಆರ್​ ಗಾಂಧಿ ತಮಿಳುನಾಡಿನ ಕನ್ಯಾಕುಮಾರಿ ಜಿಲ್ಲೆಯ ನಾಗರಕೊಯಿಲ್​ ಕ್ಷೇತ್ರದ ಶಾಸಕರಾಗಿದ್ದು, ಅವರ ಮೊಮ್ಮಗ ನಾಗರಕೋಯಿಲ್​ ಶಾಸಕ ಎಂ ಆರ್​ ಗಾಂಧಿ ಮೊಮ್ಮಗ ಎಂದು ಬೈಕ್ ನಂಬರ್​ ಪ್ಲೇಟ್​ ಮೇಲೆ ಬರೆದುಕೊಂಡಿದ್ದಾನೆ.

  ಗಾಂಧಿ ಮೊಮ್ಮಗ ಎಂದುಕೊಂಡಿರುವ ಈ ಯುವಕ ಯಾರೆಂದು ಪರಿಶೀಲಿಸಿದಾಗ ಆತ ಅಮರೀಶ್, ಎಂ.ಆರ್. ಗಾಂಧಿ ಆಪ್ತ ಕಣ್ಣನ್​ ಪುತ್ರ ಎಂದು ತಿಳಿದುಬಂದಿದೆ.

  ಇನ್ನು ಈ ಫೋಟೋ ನೋಡಿದ ನೆಟ್ಟಿಗರು ಆಕ್ರೋಶ ಹೊರ ಹಾಕಿದ್ದು, ಬಿಜೆಪಿ ಸದಸ್ಯರು ಮಾತ್ರ ಕೃತಜ್ಞತೆ ಹಾಗೂ ಅಭಿಮಾನದ ರೂಪದಲ್ಲಿ ಈ ಯುವಕ ಈ ರೀತಿ ಬೈಕ್​ ಮೇಲೆ ಬರೆದುಕೊಂಡಿದ್ದಾರೆ ಎಂದು ಹೇಳಿದ್ದಾರೆ.