ಕಾಶ್ಮೀರ: ಪ್ರತ್ಯೇಕ ಮೂರು ಎನ್‌ಕೌಂಟರ್‌ - ನಾಲ್ವರು ಉಗ್ರರ ಹತ್ಯೆ, ಓರ್ವ ಸೆರೆ

•   Sat, Mar 12 2022 11:03:07 AM



• ಶ್ರೀನಗರ, ಮಾ 12 (DaijiworldNews/HR): ಭದ್ರತಾಪಡೆಗಳು ಕಾಶ್ಮೀರದ ವಿವಿಧ ಪ್ರದೇಶಗಳಲ್ಲಿ ನಡೆಸಿದ ಮೂರು ಪ್ರತ್ಯೇಕ ಎನ್‌ಕೌಂಟರ್‌ನಲ್ಲಿ ಲಷ್ಕರ್‌-ಎ-ತೈಬಾ (ಎಲ್‌ಇಟಿ), ಜೈಶೆ-ಮೊಹಮ್ಮದ್‌(ಜೆಇಎಂ) ಸಂಘಟನೆಗಳ ನಾಲ್ವರು ಉಗ್ರರು ಸಾವನ್ನಪ್ಪಿದ್ದಾರೆ.

  ಸಾಂದರ್ಭಿಕ ಚಿತ್ರ

  ಈ ಕುರಿತು ಕಾಶ್ಮೀರ ವಲಯ ಐಜಿಪಿ ವಿಜಯಕುಮಾರ್‌ ಮಾಹಿತಿ ನೀಡಿದ್ದು, ದಕ್ಷಿಣ ಕಾಶ್ಮೀರದ ಪುಲ್ವಾಮ ಜಿಲ್ಲೆಯ ಚೆವಾಕ್ಲನ್‌ ಪ್ರದೇಶದಲ್ಲಿ ಭದ್ರತಾ ಪಡೆಗಳ ಗುಂಡಿಗೆ ಇಬ್ಬರು ಜೆಇಎಂ ಉಗ್ರರು ಮೃತಪಟ್ಟಿದ್ದಾರೆ ಎಂದು ತಿಳಿಸಿದರು.

  ಇನ್ನು ಗಂದರಬಲ್‌ ಜಿಲ್ಲೆಯ ಸೆರ್ಚ್‌ ಪ್ರದೇಶ ಹಾಗೂ ಉತ್ತರ ಕಾಶ್ಮೀರದ ಹಂದ್ವಾರದ ನೀಚಮ, ರಾಜ್ವಾರ್‌ನಲ್ಲಿ ನಡೆದ ಪ್ರತ್ಯೇಕ ಎನ್‌ಕೌಂಟರ್‌ನಲ್ಲಿ ಇಬ್ಬರು ಎಲ್‌ಇಟಿ ಉಗ್ರರು ಹತ್ಯೆಯಾಗಿದ್ದು, ಎನ್‌ಕೌಂಟರ್‌ ಪ್ರದೇಶದಲ್ಲಿ ಉಗ್ರನೊಬ್ಬ ಸಿಕ್ಕಿಬಿದ್ದಿದ್ದು, ಆತನನ್ನು ಸೆರೆಹಿಡಿಯಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.