'ನಾನು ಸಿಎಂ ಆದ್ರೇ 20 ವರ್ಷ ನಿಮ್ಮ ಸರ್ಕಾರವೇ ಬರೋದಿಲ್ಲ' - ಸಿದ್ದುಗೆ ಟಾಂಗ್ ನೀಡಿದ ಯತ್ನಾಳ್

•   Tue, Mar 08 2022 05:44:55 PM



• ಬೆಂಗಳೂರು, ಮಾ 08 (DaijiworldNews/HR): ನಾನು ಕರ್ನಾಟಕದ ಮುಖ್ಯಮಂತ್ರಿಯಾದ್ರೇ ನಿಮ್ಮ ಸರ್ಕಾರವೇ ಬರೋದಿಲ್ಲ. 20 ವರ್ಷ ನಾನೇ ಸಿಎಂ ಆಗಿರುತ್ತೇನೆ ಎಂದು ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಅವರು ಮಾಜಿ ಸಿಎಂ ಸಿದ್ಧರಾಮಯ್ಯಗೆ ಟಾಂಗ್ ನೀಡಿದ್ದಾರೆ.

  ವಿಧಾನಸಭೆಯಲ್ಲಿ ಬಜೆಟ್ ಮೇಲಿನ ಚರ್ಚೆಯ ವೇಳೆ ಮಾತನಾಡಿದ ಯತ್ನಾಳ್, ನಿಮ್ಮನ್ನು ನೋಡ್ತಾ ಇದ್ದೇನೆ. ಕಳೆದ ಒಂದು ಗಂಟೆಯಿಂದ ವಿಪಕ್ಷದವರೇ ಮಾತನಾಡುತ್ತಿದ್ದೀರಿ. ಸಿದ್ದರಾಮಯ್ಯ ಬೆಂಬಲಿಗರಷ್ಟೇ ಸದನದಲ್ಲಿ ಕಾಣ್ತಾ ಇದ್ದಾರೆ. ಬೇರೆಯವರು ಕಾಣುತ್ತಿಲ್ಲವಲ್ಲ ಎಂದು ಹೇಳುವ ಮೂಲಕ ಡಿಕೆ ಶಿವಕುಮಾರ್ ಬಣದ ಕಾಲೆಳೆದಿದ್ದಾರೆ.

  ಮಧ್ಯಪ್ರವೇಶಿಸಿದ ವಿಪಕ್ಷ ನಾಯಕ ಸಿದ್ಧರಾಮಯ್ಯ, ನೀವು ಸಚಿವರೂ ಆಗಲಿಲ್ಲ, ಸಿಎಂ ಕೂಡ ಆಗಿಲ್ಲ. ನಿಮಗ್ಯಾಕೆ ಉಸಾಬರಿ ಎಂದು ವಾಗ್ದಾಳಿ ನಡೆಸಿದ್ದಾರೆ.

  ಇನ್ನು ನಾನು ಸಿಎಂ ಆಗಿದ್ದರೇ, ನೀವು 20 ವರ್ಷ ಅಧಿಕಾರಕ್ಕೆ ಬರ್ತಾ ಇರಲಿಲ್ಲ ಎಂದಾಗ, ಸಿದ್ದರಾಮಯ್ಯ ಹೊಂ ಬಿಡಪ್ಪ. ಅದಕ್ಕೆ ನೀನು ಆಗಲಿಲ್ಲ ಎಂದು ತಿರುಗೇಟು ನೀಡಿದ್ದಾರೆ.