'ಬೃಹನ್ನಾಟಕ ಸೃಷ್ಟಿಯೇ ಡಿ.ಕೆ.ಶಿವಕುಮಾರ್‌ ಅವರ ಉದ್ದೇಶ '- ಬಿಜೆಪಿ

•   Fri, Jan 14 2022 11:39:11 AM



• ಬೆಂಗಳೂರು, ಜ 14 (DaijiworldNews/MS): "ಬೃಹನ್ನಾಟಕ ಸೃಷ್ಟಿಯೇ ಡಿ.ಕೆ.ಶಿವಕುಮಾರ್‌ ಅವರ ಉದ್ದೇಶವಾಗಿಬಿಟ್ಟಿದೆ" ಎಂದು ಬಿಜೆಪಿಯೂ ರಾಜ್ಯ ಕಾಂಗ್ರೆಸ್ ಘಟಕದ ಅಧ್ಯಕ್ಷ ಡಿಕೆಶಿ ವಿರುದ್ದ ಕಿಡಿಕಾರಿದೆ.

  ಪಾದಾಯಾತ್ರೆ ಮೊಟಕುಗೊಳಿಸಿದ್ದ ಡಿ.ಕೆ.​ಶಿ​ವ​ಕು​ಮಾರ್‌ ರಾತ್ರಿ ತಮ್ಮ ಕನ​ಕ​ಪುರ ನಿವಾ​ಸಕ್ಕೆ ಹಿಂದಿ​ರು​ಗಿದ್ದಾರೆ. ತಡ​ರಾತ್ರಿ 12.30ರ ಸಮ​ಯ​ದಲ್ಲಿ ಉಪ ವಿಭಾ​ಗಾ​ಧಿ​ಕಾರಿ ಮಂಜು​ನಾಥ್‌, ತಹ​ಸೀ​ಲ್ದಾರ್‌ ವಿಶ್ವ​ನಾಥ್‌, ಮುಂತಾದವರು ಡಿಕೆಶಿ ಅವರಿಗೆ ನೋಟಿಸ್‌ ನೀಡಲು ಮನೆಗೆ ತೆರ​ಳಿ​ದ್ದಾರೆ. ಈ ವೇಳೆ ನೋಟಿಸ್‌ ನೀಡಿ​ರು​ವ​ವರು ಯಾರೆಂದು ಪ್ರಶ್ನಿ​ಸಿ​ ಡಿಕೆಶಿ ಯವರಿಗೆ ಅಧಿ​ಕಾ​ರಿ​ಗಳು ಜಿಲ್ಲಾ​ಧಿ​ಕಾ​ರಿ​ಗಳೆಂದು ಉತ್ತ​ರಿ​ಸಿ​ದ್ದಾರೆ. ಆಗ ಶಿವ​ಕು​ಮಾರ್‌ ರವರು ಅಪರ ಜಿಲ್ಲಾ​ಧಿ​ಕಾ​ರಿಗೆ ಕೋವಿಡ್‌ ತಗುಲಿದ್ದು ಅವರು ಸಹಿ ಮಾಡಿ ನೋಟಿಸ್‌ ನಾನು ಪಡೆ​ಯು​ವು​ದಿಲ್ಲ . 48 ಗಂಟೆ​ಗಳ ನಂತರ ಪಡೆ​ಯು​ತ್ತೇನೆ ಎಂದಿದ್ದಾರೆ. ಆನಂತರ ಅಧಿ​ಕಾ​ರಿ​ಗಳ ತಂಡ ನೋಟಿಸ್‌ ಅನ್ನು ಮನೆಯ ಗೇಟಿಗೆ ಅಂಟಿಸಿ ತೆರ​ಳಿ​ದರು. ಆದರೆ ಬೆಳಗ್ಗೆ ನೋಟಿಸ್‌ ಅಲ್ಲಿ ಇರ​ಲಿಲ್ಲ . ಈ ವಿಚಾರವಾಗಿ ಟ್ವೀಟ್ ಮಾಡಿದ ಬಿಜೆಪಿ "ಬೃಹನ್ನಾಟಕ ಸೃಷ್ಟಿಯೇ ಅವರ ಉದ್ದೇಶವಾಗಿಬಿಟ್ಟಿದೆ. ಜಿಲ್ಲಾಧಿಕಾರಿಯ ನೋಟಿಸ್ ಜಾರಿ ಮಾಡಲು ಬಂದ ಅಧಿಕಾರಿಗಳ ಜತೆ ಹೈಡ್ರಾಮಾ ಸೃಷ್ಟಿಸಿದ್ದೀರಿ. ಪಾದಯಾತ್ರೆ ಮಾಡಿ ಕೊರೋನಾ ಹಂಚುವಾಗ ನೆನಪಾಗದ ಕೊರೋನಾ ಮಾರ್ಗಸೂಚಿ ಈಗ ನೆನಪಾಗುತ್ತಿದೆಯೇ? " ಎಂದು ಕಿಡಿಕಾರಿದೆ.

  "ನಿಮ್ಮ ಆರೋಗ್ಯದ ಜತೆಗೆ ಸಾರ್ವಜನಿಕರ ಆರೋಗ್ಯವೂ ಅತಿ ಮುಖ್ಯ.ಕೋವಿಡ್ ಮಾರ್ಗಸೂಚಿ ಉಲ್ಲಂಘಿಸಿರುವ ನೀವು ಕುಟುಂಬ ವರ್ಗದ ಜತೆ ಬೆರೆಯುವ ಮುನ್ನ ಆರ್‌ಟಿಪಿಸಿಆರ್ ಪರೀಕ್ಷೆ ಮಾಡಿಸಿಕೊಳ್ಳಬೇಕಿದೆ.ಬನ್ನಿ ಕನಕಪುರ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲೇ ಪರೀಕ್ಷೆ ಮಾಡಿಸುತ್ತೇವೆ, ತಯಾರಿದ್ದೀರಾ?ಮನೆ ಬಾಗಿಲಿಗೆ ಅಂಟಿಸಿದ ನೋಟಿಸ್ ನೀವೇ ಕಿತ್ತೆಸೆದಿರಾ?" ಎಂದು ಪ್ರಶ್ನಿಸಿದೆ.

  ಡಿಕೆಶಿ ಅವರೇ, ನಿಮ್ಮ ಸದಾರಮೆ ನಾಟಕ ನಿಲ್ಲಿಸಿ. ಕಂಡವರ ಜಮೀನಿಗೆ ಬೇಲಿ ಸುತ್ತಿ ನೀವು ಕುಬೇರರಾಗಿರಬಹುದು.
  
  ಆದರೆ ಕಾನೂನನ್ನು ಕೆಪಿಸಿಸಿ ಅಧ್ಯಕ್ಷರೂ ಪಾಲನೆ ಮಾಡಲೇಬೇಕಲ್ಲವೇ?
  
  ಖಾಸಗಿ ಆಸ್ಪತ್ರೆ ವೈದ್ಯರಿಂದ ಪರೀಕ್ಷಿಸಿಕೊಳ್ಳುವ ಬದಲು, ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಕೋವಿಡ್ ಪರೀಕ್ಷೆ ಮಾಡಿ, ವರದಿ ಬಹಿರಂಗಗೊಳಿಸಿ.#ಉತ್ತರಿಸಿಡಿಕೆಶಿ
  — BJP Karnataka (@BJP4Karnataka) January 14, 2022