ರಾಜ್ಯದಲ್ಲಿಂದು 12 ಸಾವಿರ ಮಂದಿಗೆ ಕೊರೊನಾ ದೃಢ, ನಾಲ್ವರು ಮೃತ್ಯು

•   Sun, Jan 09 2022 08:59:43 PM



• ಬೆಂಗಳೂರು, ಜ 09 (DaijiworldNews/HR): ರಾಜ್ಯದಲ್ಲಿ ಭಾನುವಾರ ಮತ್ತೆ ಕೊರೊನಾ ಸೋಂಕು ಏರಿಕೆಯಾಗಿದ್ದು, ಕಳೆದ 24 ಗಂಟೆಯಲ್ಲಿ ಹೊಸದಾಗಿ 12 ಸಾವಿರ ಜನರಿಗೆ ಕೋವಿಡ್ ದೃಢಪಟ್ಟಿದೆ.

  ಈ ಕುರಿತು ರಾಜ್ಯ ಆರೋಗ್ಯ ಇಲಾಖೆ ಮಾಹಿತಿ ನೀಡಿದ್ದು, ರಾಜ್ಯದಲ್ಲಿ ಇಂದು 12 ಸಾವಿರ ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 30,51,958ಕ್ಕೆ ಏರಿಕೆಯಾಗಿದೆ.

  ಇನ್ನು ರಾಜ್ಯದಲ್ಲಿ ಇಂದು 901 ಸೋಂಕಿತರು ಸೇರಿದಂತೆ 29,63,957 ಮಂದಿ ಗುಣಮುಖರಾಗಿದ್ದು, ಈಗ ರಾಜ್ಯದಲ್ಲಿ 49,602 ಸಕ್ರೀಯ ಸೋಂಕಿತ ಪ್ರಕರಣಗಳು ಇವೆ.

  ಭಾನುವಾರ ರಾಜ್ಯದಲ್ಲಿ ನಾಲ್ವರು ಸೋಂಕಿತರು ಸಾವನ್ನಪ್ಪಿದ್ದು, ಇಲ್ಲಿಯವರೆಗೆ ಒಟ್ಟು 38,370 ಮಂದಿ ಸಾವನ್ನಪ್ಪಿರುವುದಾಗಿ ಆರೋಗ್ಯ ಇಲಾಖೆ ತಿಳಿಸಿದೆ.