ಬೆಂಗಳೂರು: ರಾಜ್ಯದಲ್ಲಿ ಶನಿವಾರದಂದು 8,906 ಹೊಸ ಪ್ರಕರಣಗಳು ಪತ್ತೆ-ಆರೋಗ್ಯ ಇಲಾಖೆ

•   Sat, Jan 08 2022 09:34:55 PM



• ಬೆಂಗಳೂರು, ಜ. 08 (DaijiworldNews/SM): ರಾಜ್ಯದಲ್ಲಿ ಶನಿವಾರದಂದು ಮತ್ತೆ 8,906 ಹೊಸ ಕೋವಿಡ್ ಪ್ರಕರಣಗಳನ್ನು ಆರೋಗ್ಯ ಇಲಾಖೆ ವರದಿ ಮಾಡಿದೆ. ಈ ಪೈಕಿ 7,113 ಮಂದಿ ಬೆಂಗಳೂರಿಗರಲ್ಲೇ ಸೋಂಕು ಪತ್ತೆಯಾಗಿದೆ ಎನ್ನುವುದು ಆರೋಗ್ಯ ಇಲಾಖೆಯ ವರದಿ.

  ಇಂದಿನ ಕೋವಿಡ್ ವರದಿ ಪ್ರಕಾರ ಮತ್ತೆ ನಾಲ್ವರು ಸೋಂಕಿಗೆ ಬಲಿಯಾಗಿರುವ ಬಗ್ಗೆ ಉಲ್ಲೇಖವಿದೆ. ಈ ಬಗ್ಗೆ ಆರೋಗ್ಯ ಸಚಿವ ಡಾ.ಕೆ ಸುಧಾಕರ್ ಟ್ವಿಟ್ ಮಾಡಿದ್ದು, ರಾಜ್ಯದಲ್ಲಿ ಪಾಸಿಟಿವಿಟಿ ದರ ಶೇ.5.42 ರಷ್ಟಿದೆ ಎಂದಿದ್ದಾರೆ.

  ರಾಜ್ಯದಲ್ಲಿ ಇಂದು 508 ಮಂದಿ ಡಿಸ್ಚಾರ್ಜ್ ಆಗಿದ್ದು ರಾಜ್ಯದಲ್ಲಿ 38,507 ಸಕ್ರಿಯ ಪ್ರಕರಣಗಳಿವೆ. ಬೆಂಗಳೂರು ಒಂದರಲ್ಲೇ 32 ಸಾವಿರ ಸಕ್ರಿಯ ಪ್ರಕರಣಗಳಿವೆ ಎಂದು ಆರೋಗ್ಯ ಸಚಿವರು ಮಾಹಿತಿ ನೀಡಿದ್ದಾರೆ.