'15-18 ವಯೋಮಾನದ 1 ಕೋಟಿ ಮಕ್ಕಳು ಲಸಿಕೆ ಪಡೆದುಕೊಂಡಿದ್ದಾರೆ'- ಮಾಂಡವಿಯಾ

•   Wed, Jan 05 2022 02:29:41 PM



• ನವದೆಹಲಿ, ಜ 05 (DaijiworldNews/PY): 15-18 ವಯೋಮಾನದ ಸುಮಾರು 1 ಕೋಟಿ ಮಕ್ಕಳು ಲಸಿಕೆ ಪಡೆದುಕೊಂಡಿದ್ದಾರೆ ಎಂದು ಕೇಂದ್ರ ಆರೋಗ್ಯ ಸಚಿವ ಮನ್‌ಸುಖ್‌ ಮಾಂಡವಿಯಾ ಹೇಳಿದ್ದಾರೆ.

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, "15-18 ವಯೋಮಾನದ ನಡುವಿನ ಸುಮಾರು 1 ಕೋಟಿ ಮಕ್ಕಳು ತಮ್ಮ ಮೊದಲ ಡೋಸ್‌‌‌‌‌‌‌ ಪಡೆದುಕೊಂಡಿದ್ಧಾರೆ. ಎಲ್ಲಾ ಅರ್ಹರು ಆದಷ್ಟು ಬೇಗ ಲಸಿಕೆ ಹಾಕಿಸಿಕೊಳ್ಳುವಂತೆ ನಾನು ಮನವಿ ಮಾಡುತ್ತೇನೆ" ಎಂದಿದ್ಧಾರೆ.

  ಕೊರೊನಾ ಲಸಿಕೆ ಪಡೆದ 15-18 ವಯೋಮಾನದ ಎಲ್ಲರಿಗೂ ಅಭಿನಂದನೆ ತಿಳಿಸಿದ ಪ್ರಧಾನಿ ನರೇಂದ್ರ ಮೋದಿ, "ಲಸಿಕೆ ಹಾಕಿಸಿಕೊಂಡ 15-18 ವಯೋಮಾನದ ಎಲ್ಲರಿಗೂ ಹಾಗೂ ಅವರ ಪೋಷಕರಿಗೂ ಅಭಿನಂದನೆಗಳು" ಎಂದು ತಿಳಿಸಿದ್ದಾರೆ.

  ಕೊರೊನಾ ವಿರುದ್ದ ಹೋರಾಟದಲ್ಲಿ ಯುವಕರನ್ನು ರಕ್ಷಿಸುವಲ್ಲಿ ದೇಶವು ಪ್ರಮುಖ ಹೆಜ್ಜೆ ಇಟ್ಟಿದೆ. ಮುಂದಿನ ದಿನಗಳಲ್ಲಿ ಹೆಚ್ಚಿನ ಯುವಕರು ಲಸಿಕೆ ಹಾಕಿಸಿಕೊಳ್ಳುವಂತೆ ನಾನು ಒತ್ತಾಯಿಸುತ್ತೇನೆ" ಎಂದಿದ್ದಾರೆ.

  ಜನವರಿ 3 ರಿಂದ 15-18 ವರ್ಷ ವಯಸ್ಸಿನವರಿಗೆ ಕೊರೊನಾ ಲಸಿಕೆ ಪ್ರಾರಂಭಿಸಲಾಗುತ್ತದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಡಿ.25ರಂದು ಘೋಷಿಸಿದ್ದರು.

  Superb enthusiasm among Young India for Vaccination 💉
  
  Over 1 crore youngsters between 15-18 age group have received 1st dose of #COVID19 vaccine that too on the 3rd day of vaccination drive for children.
  
  I appeal to all eligible young friends to get vaccinated at the earliest. pic.twitter.com/8lXuBD6BZv

  — Dr Mansukh Mandaviya (@mansukhmandviya) January 5, 2022