ಬುಲ್ಲಿ ಬಾಯಿ ಆಪ್‌ ಪ್ರಕರಣ - ಡೆಹ್ರಾಡೂನ್‍ನಲ್ಲಿ ಯುವತಿ ಬಂಧನ

•   Wed, Jan 05 2022 12:14:17 PM



• ಮುಂಬೈ, ಜ 05 (DaijiworldNews/HR): ಮುಸ್ಲಿಂ ಮಹಿಳೆಯರ ಭಾವಚಿತ್ರಗಳನ್ನು 'ಬುಲ್ಲಿ ಬಾಯಿ' ಆಪ್‌‌ಗೆ ಅಪ್ಲೋಡ್ ಮಾಡಿ, ಹರಾಜಿಗಿಟ್ಟು, ಕಿರುಕುಳ ಮತ್ತು ಅವಮಾನ ಮಾಡಲು ಪ್ರಯತ್ನಿಸುತ್ತಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂಬೈ ಪೊಲೀಸರು ಡೆಹ್ರಾಡೂನ್‍ನಲ್ಲಿ 18 ವರ್ಷದ ಯುವತಿಯೊಬ್ಬಳನ್ನು ಬಂಧಿಸಿದ್ದಾರೆ.

  ಬುಲ್ಲಿ ಬಾಯಿ ಆಪ್‌ ಪ್ರಕರಣಕ್ಕೆ ಸಂಬಂಧಿಸಿದಂತೆ ಒಟ್ಟು ಇಬ್ಬರನ್ನು ಬಂಧಿಸಲಾಗಿದೆ. ಈ ಮುನ್ನ ಬೆಂಗಳೂರಿನಲ್ಲಿ 21 ವರ್ಷ ವಯಸ್ಸಿನ ಎಂಜಿನಿಯರಿಂಗ್ ವಿದ್ಯಾರ್ಥಿ ವಿಶಾಲ್‍ಕುಮಾರ್ ಝಾ ಎಂಬಾತನನ್ನು ಪೊಲೀಸರು ಸೆರೆ ಹಿಡಿದ್ದು, ಇಂದು ಡೆಹ್ರಾಡೂನ್‍ನಲ್ಲಿ 18 ವರ್ಷದ ಯುವತಿಯೊಬ್ಬಳನ್ನು ಬಂಧಿಸಿದ್ದಾರೆ.

  ಇನ್ನು ಬಾಂದ್ರಾ ನ್ಯಾಯಾಲಯವು ವಿಶಾಲ್‍ಕುಮಾ ಝಾನನ್ನು ಆರು ದಿನಗಳ ಕಾಲ ಪೊಲೀಸ್ ಕಸ್ಟಡಿಗೆ ಒಪ್ಪಿಸಿದೆ.

  18 ವರ್ಷದ ಯುವತಿಯನ್ನು ಬಂಧಿಸಿರುವ ಮುಂಬೈ ಪೊಲೀಸರು ನ್ಯಾಯಾಲಯದ ಮುಂದೆ ಆಕೆಯನ್ನು ಹಾಜರುಪಡಿಸುವ ಸಲುವಾಗಿ ಮುಂಬೈಗೆ ಕರೆದೊಯ್ಯಲು ಮಹಿಳಾ ಕಾನ್‍ಸ್ಟೆಬಲ್ ಒಬ್ಬರು ಮುಂಬೈನಿಂದ ಉತ್ತರಾಖಂಡ ತಲುಪುವುದನ್ನು ಕಾಯುತ್ತಿದ್ದಾರೆ ಎಂದು ಉತ್ತರಾಖಂಡದ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.