ಕುರ್​ಕುರೆ, ನೂಡಲ್ಸ್​ ಕಾರ್ಖಾನೆಯಲ್ಲಿ ಬಾಯ್ಲರ್​ ಸ್ಫೋಟ - 10 ಮಂದಿ ಮೃತ್ಯು

•   Sun, Dec 26 2021 03:43:05 PM



• ಪಾಟ್ನಾ, ಡಿ. 26 (DaijiwoldNews/HR): ಬಿಹಾರದ ಮುಜಾಫರ್​ ನಗರದಲ್ಲಿರುವ ಕುರ್​​ಕುರೆ ಮತ್ತು ನೂಡಲ್ಸ್​ ಕಾರ್ಖಾನೆಯಲ್ಲಿ ಬಾಯ್ಲರ್​ ಸ್ಫೋಟಗೊಂಡು10 ಮಂದಿ ಮೃತಪಟ್ಟ ಘಟನೆ ನಡೆದಿದೆ.

  ಮುಜಾಫರ್​ನಗರ ಕೈಗಾರಿಕಾ ವಲಯದಲ್ಲಿರುವ 'ಮೋದಿ ಕುರ್​ಕುರೆ ಮತ್ತು ನೂಡಲ್ಸ್​' ಕಾರ್ಖಾನೆಯಲ್ಲಿ ಭಾನುವಾರ ಬಾಯ್ಲರ್​ ಸ್ಫೋಟಗೊಂಡಿದ್ದು, ಭಾರೀ ಶಬ್ದ ಸುಮಾರೂ 5 ಕೀ.ಮಿ.ದೂರದ ವರೆಗೂ ಕೇಳಿಸಿದೆ.

  ಸ್ಫೋಟದಿಂದಾಗಿ ಅಕ್ಕಪಕ್ಕದ ಕಾರ್ಖಾನೆಗಳ ಕಟ್ಟಗಳಿಗೂ ಹಾನಿಯಾಗಿದ್ದು, ಗೋಡೆಗಳು ಬಿರುಕು ಬಿಟ್ಟಿವೆ.

  ಇನ್ನು ಅವಘಡ ಸಂಬಂವಿಸುತ್ತಿದ್ದಂತೆ ಸ್ಥಳಕ್ಕೆ ದೌಡಾಯಿಸಿದ 5 ಅಗ್ನಿಶಾಮಕ ವಾಹನ ಬೆಂಕಿ ನಂದಿಸಿ ರಕ್ಷಣಾ ಕಾರ್ಯಾಚರಣೆ ನಡೆಸಿದ್ದಾರೆ.

  ಮೃತದೇಹಗಳನ್ನು ಶವಾಗಾರಕ್ಕೆ ರವಾನಿಸಲಾಗಿದ್ದು, ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.