ಚಾರ್ಮಾಡಿ ಘಾಟ್‌: ಹೃದಯಾಘಾತದಿಂದ ಬಸ್‌‌‌‌ ನಿರ್ವಾಹಕ ಮೃತ್ಯು

•   Sat, Dec 25 2021 10:35:53 AM



• ಕೊಟ್ಟಿಗೆಹಾರ, ಡಿ.25 (DaijiworldNews/PY): ಹೃದಯಾಘಾತದಿಂದ ಬಸ್‌‌‌‌ ನಿರ್ವಾಹಕ ಮೃತಪಟ್ಟಿರುವ ಘಟನೆ ಚಾರ್ಮಾಡಿ ಘಾಟ್‌ನ ಮಲಯಮಾರುತ ಸಮೀಪ ಶನಿವಾರ ಬೆಳಗ್ಗೆ ನಡೆದಿದೆ.

  ಮೃತ ನಿರ್ವಾಹಕರನ್ನು ವಿಜಯ್‌ (43) ‌ಎಂದು ಗುರುತಿಸಲಾಗಿದೆ.

  ಚಿಕ್ಕಮಗಳೂರಿನಿಂದ ಉಡುಪಿಗೆ ಹೋಗುತ್ತಿದ್ದ ಬಸ್‌‌ನಲ್ಲಿದ್ದ ನಿರ್ವಾಹಕ ವಿಜಯ್‌ ಅವರುಗೆ ಬೆಳಗ್ಗೆ 8.30ಕ್ಕೆ ಹೃದಯಾಘಾತ ಸಂಭವಿಸಿದೆ. ಈ ವೇಳೆ ಅವರನ್ನು ಬಣಕಲ್‌‌ ಸಮಾಜ ಸೇವಕ ಆರಿಫ್‌‌ ಅವರ ಆಂಬ್ಯುಲೆನ್ಸ್‌‌‌ನಲ್ಲಿ ಬಣಕಲ್‌ ಆಸ್ಪತ್ರೆಗೆ ಕೊಂಡೊಯ್ದಿದ್ದು, ಪ್ರಥಮ ಚಿಕಿತ್ಸೆ ಮಾಡಿ ಬಳಿಕ ಮೂಡಿಗೆರೆಯ ಎಂಜಿಎಂ ಆಸ್ಪತ್ರೆಗೆ ರವಾನಿಸಲಾಯಿತು.

  ಮೂಡಿಗೆರೆ ಆಸ್ಪತ್ರೆಯಲ್ಲಿ ನಿರ್ವಾಹಕ ವಿಜಯ್‌‌ ಮೃತಪಟ್ಟಿದ್ದಾರೆ.