ಶಿಲ್ಪಾ ಶೆಟ್ಟಿ, ಶೃದ್ದಾ ಕಪೂರ್ ಸ್ನೇಹಿತರು ಎಂದ ವಂಚಕ ಸುಖೇಶ್ ಚಂದ್ರಶೇಖರ್

•   Mon, Dec 20 2021 03:37:58 PM



• ನವದೆಹಲಿ, ಡಿ 20 (DaijiworldNews/MS): 200 ಕೋಟಿ ವಂಚನೆ ಪ್ರಕರಣದಲ್ಲಿ ನವದೆಹಲಿಯ ತಿಹಾರ್ ಜೈಲಿನಲ್ಲಿರುವ ಸುಖೇಶ್ ಚಂದ್ರಶೇಖರ್ ಪ್ರಕರಣ ದಿನಕ್ಕೊಂದು ತಿರುವು ಪಡೆದುಕೊಳ್ಳುತ್ತಿದೆ. ಇದೀಗ ಈ ಪ್ರಕರಣದಲ್ಲಿ ಜಾಕ್ವಲಿನ್ , ನೋರಾ ಹೊರತುಪಡಿಸಿ ನಟಿಯರಾದ ಶಿಲ್ಪಾ ಶೆಟ್ಟಿ, ಶೃದ್ದಾ ಕಪೂರ್ ಹಾಗೂ ನಟ ಕಾರ್ತಿಕ್ ಆರ್ಯನ್ ಹೆಸರು ಕೇಳಿಬಂದಿದೆ.

  2015 ರಿಂದ ಬಾಲಿವುಡ್ ನಟಿ ಶ್ರದ್ಧಾ ಕಪೂರ್​ ಜೊತೆ ಸ್ನೇಹವಿರುವುದಾಗಿ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳ ಮುಂದೆ ವಂಚಕ ಸುಕೇಶ್ ಹೇಳಿಕೆ ನೀಡಿದ್ದಾನೆ. ಜೊತೆಗೆ ನಾರ್ಕೋಟಿಕ್ಸ್ ಕಂಟ್ರೋಲ್​ ಬ್ಯೂರೋ ಕೇಸ್​ನಲ್ಲಿ ಶ್ರದ್ಧಾಗೆ ಸಹಾಯ ಮಾಡಿರುವ ವಿಚಾರವನ್ನು ಅಧಿಕಾರಿಗಳ ಮುಂದೆ ಹೇಳಿಕೊಂಡಿದ್ದಾನೆ.

  ನಟ ಕಾರ್ತಿಕ್ ಆರ್ಯನ್​ ನಟನೆಯ ‘ಕ್ಯಾಪ್ಟನ್’ ಸಿನಿಮಾಕ್ಕೆ ತಾನು ಸಹ ನಿರ್ಮಾಪಕನಾಗುವ ಯೋಜನೆ ಹಾಕಿಕೊಂಡಿರುವುದಾಗಿ ಆತ ಹೇಳಿಕೊಂಡಿದ್ದಾನೆ. ಇದಲ್ಲದೆ ಅಶ್ಲೀಲ ಸಿನಿಮಾ ನಿರ್ಮಾಣ ಪ್ರಕರಣದಲ್ಲಿ ಜೈಲು ಸೇರಿದ್ದ ರಾಜ್​ ಕುಂದ್ರಾ, ಬಿಡುಗಡೆ ಮಾಡಲು ನಟಿ ಶಿಲ್ಪಾ ಶೆಟ್ಟಿ ತನ್ನನ್ನು ಸಂಪರ್ಕಸಿದ್ದರು ಎಂದು ಇ.ಡಿ ಅಧಿಕಾರಿಗಳ ಮುಂದೆ ಸುಕೇಶ್ ಚಂದ್ರಶೇಖರ್​ ಮಾಹಿತಿ ನೀಡಿದ್ದಾನೆ.

  ಹೀಗೆ ಇ.ಡಿ ಅಧಿಕಾರಿಗಳ ಮುಂದೆ ಸುಕೇಶ್ ದಿನಕ್ಕೊಬ್ಬರ ಹೆಸರುಗಳನ್ನು ಬಹಿರಂಗಪಡಿಸುತ್ತಿದ್ದಾನೆ.