ಕಾಂಗ್ರೆಸ್ ಶಾಸಕರು ಸೋಮವಾರದಿಂದ ಸದನಕ್ಕೆ ಕಡ್ಡಾಯವಾಗಿ ಹಾಜರಾಗುವಂತೆ ವಿಪ್ ಜಾರಿ

•   Sat, Dec 18 2021 08:58:10 PM



• ಬೆಂಗಳೂರು, ಡಿ.18 (DaijiworldNews/HR): ವಿಧಾನಸಭೆ ಅಧಿವೇಶನದಲ್ಲಿ ಕಡ್ಡಾಯವಾಗಿ ಸೋಮವಾರದಿಂದ ಹಾಜರಾಗಬೇಕು ಎಂದು ಕಾಂಗ್ರೆಸ್ ಪಕ್ಷದ ಶಾಸಕರಿಗೆ ವಿಪ್ ಜಾರಿ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.

  ಸಾಂದರ್ಭಿಕ ಚಿತ್ರ

  ಸೋಮವಾರದಿಂದ ಐದು ದಿನ ಸದನದಲ್ಲಿ ಹಾಜರಿರುವಂತೆ ಕಾಂಗ್ರೆಸ್ ಪಕ್ಷದ ಮುಖ್ಯ ಸಚೇತ ಅಜಯ್ ಸಿಂಗ್ ಅವರು ವಿಪ್ ಜಾರಿ ಮಾಡಿ ಸೂಚನೆ ನೀಡಿದ್ದಾರೆ.

  ಇನ್ನು ಸದನದಲ್ಲಿ ಮತಾಂತರ ನಿಷೇಧ ಮಂಡನೆಯಾಗುವ ಸಾಧ್ಯತೆ ಇರುವ ಹಿನ್ನೆಲೆ ಅಧಿವೇಶನದಲ್ಲಿ ಕಡ್ಡಾಯವಾಗಿ ಹಾಜರಾಗಬೇಕೆಂದು ಕಾಂಗ್ರೆಸ್ ಪಕ್ಷದ ಶಾಸಕರಿಗೆ ವಿಪ್ ಜಾರಿ ಮಾಡಲಾಗಿದೆ.