ಭಾರತದ ಹೊಸ ವರ್ಗದ ಪರಮಾಣು ಸಾಮರ್ಥ್ಯದ ಅಗ್ನಿ ಪ್ರೈಮ್ ಕ್ಷಿಪಣಿ ಪರೀಕ್ಷಾರ್ಥ ಉಡಾವಣೆ ಯಶಸ್ವಿ

•   Sat, Dec 18 2021 02:47:57 PM



• ಬಾಲಾಸೋರ್, ಡಿ 18  (DaijiworldNews/MS):    ಒಡಿಶಾ ಕರಾವಳಿಯ ತೀರ ಬಾಲಾಸೋರ್ ನಿಂದ ಭಾರತವು ಪರಮಾಣು ಸಾಮರ್ಥ್ಯ ಕಾರ್ಯತಂತ್ರ ಹೊಂದಿರುವ ಅಗ್ನಿ ಪ್ರೈಮ್ ಕ್ಷಿಪಣಿಯನ್ನು ಯಶಸ್ವಿಯಾಗಿ ಪರೀಕ್ಷಿಸಿದೆ.

  ಈ ಕ್ಷಿಪಣಿಯು ಸಾವಿರದಿಂದ 2 ಸಾವಿರ ಕಿಲೋ ಮೀಟರ್ ದೂರದವರೆಗೆ ಗುರಿಯನ್ನು ಹೊಡೆಯುವ ಸಾಮರ್ಥ್ಯವನ್ನು ಹೊಂದಿದ್ದು ಇದನ್ನು ಡಾ. ಎಪಿಜೆ ಅಬ್ದುಲ್ ಕಲಾಂ ದ್ವೀಪದಿಂದ ಉಡಾವಣೆ ಮಾಡಲಾಯಿತು.

  ಪ್ರೈಮ್ ಕ್ಷಿಪಣಿಯ ಪರೀಕ್ಷೆಯ ಸಂದರ್ಭದಲ್ಲಿ ಅದಕ್ಕೆ ಅನೇಕ ಹೊಸ ಫೀಚರ್‌ಗಳನ್ನು ಅಳವಡಿಸಲಾಗಿದೆ. ಅತ್ಯುನ್ನತ ಮಟ್ಟದ ನಿಖರತೆಯ ಉದ್ದೇಶವನ್ನು ಈ ಕ್ಷಿಪಣಿ ಪರೀಕ್ಷೆ ತನ್ನ ಎಲ್ಲಾ ಯೋಜನಾ ಧ್ಯೇಯೋದ್ದೇಶಗಳನ್ನು ಈಡೇರಿಸಿದೆ ಎಂದು ಪರೀಕ್ಷಾರ್ಥ ಉಡಾವಣೆಯ ಯಶಸ್ಸಿನ ಬಗ್ಗೆ ಸರ್ಕಾರದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  ಅಗ್ನಿ -ಪಿ ಡಿಆರ್‌ಡಿಒ ಉಡಾವಣೆ ಮಾಡಲಿರುವ ಅಗ್ನಿ ಕ್ಷಿಪಣಿಯ ಹೊಸ ವರ್ಗದ ಮೊದಲನೆಯ ಕ್ಷಿಪಣಿಯಾಗಿದೆ. ಇದು ಅಗ್ನಿ 3 ಗಿಂತ ಶೇಕಡಾ 50 ರಷ್ಟು ಕಡಿಮೆ ತೂಗುತ್ತದೆ. ಅಗ್ನಿ ಪಿ ಅನ್ನು ಕಂಟೈನರ್ ನಲ್ಲಿ ಹಾಕಲಾಗಿರುವುದರಿಂದ, ಇದನ್ನು ರೈಲು ಮತ್ತು ರಸ್ತೆಯಿಂದ ಉಡಾವಣೆ ಮಾಡಬಹುದು. ಇದನ್ನು ದೀರ್ಘಾವಧಿಯವರೆಗೆ ಸಂಗ್ರಹಿಸಬಹುದು ಮತ್ತು ಕಾರ್ಯಾಚರಣೆಯ ಅಗತ್ಯತೆಗಳ ವೇಳೆ ದೇಶಾದ್ಯಂತ ಸಾಗಿಸಬಹುದಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  Today's #AGNIPrime Test pic.twitter.com/N3FUhPk2lW

  — IDU (@defencealerts) December 18, 2021