ಕನ್ನಡ ಸಂಘಟನೆ ಕಾರ್ಯಕರ್ತನಿಂದ ಎಂಇಎಸ್ ಮುಖಂಡ ದಳವಿ ಮುಖಕ್ಕೆ ಮಸಿ

•   Mon, Dec 13 2021 02:30:21 PM



• ಬೆಳಗಾವಿ, ಡಿ.13 (DaijiworldNews/PY): ವಿಧಾನ ಮಂಡಲ ಅಧಿವೇಶನದ ಸಂದರ್ಭ ಮಹಾರಾಷ್ಟ್ರ ಏಕೀಕರಣ ಸಮಿತಿ ನಡೆಸುತ್ತಿದ್ದ ಮಹಾಮೇಳಾವ್‌‌ನಲ್ಲಿ ಭಾಗಿಯಾಗಿದ್ದ ಎಂಇಎಸ್‌‌‌‌‌‌‌ ಅಧ್ಯಕ್ಷ ದೀಪಕ್‌ ದಳವಿ ಅವರಿಗೆ ಕರ್ನಾಟಕ ನವ ನಿರ್ಮಾಣ ಕಾರ್ಯಕರ್ತನೊಬ್ಬ ಮಸಿ ಬಳಿದಿದ್ದಾರೆ.

  ಎಂಇಎಸ್‌‌‌ ಕಾರ್ಯಕರ್ತರು ಹಾಗೂ ಕರ್ನಾಟಕ ನವ ನಿರ್ಮಾಣ ಸೇನೆ ಕಾರ್ಯಕರ್ತರ ನಡುವೆ ಗಲಾಟೆ ನಡೆದಿದ್ದು, ಕರ್ನಾಟಕ ನವನಿರ್ಮಾಣ ಸೇನೆ ಯುವ ಘಟಕದ ಅಧ್ಯಕ್ಷ ಸಂಪತ್‌‌ ಎಂಬಾತನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

  ಎಂಇಎಸ್‌‌‌ ಕಾರ್ಯಕರ್ತರು ಪೊಲೀಸ್‌‌ ವಾಹನದ ಮೇಲೆ ದಾಳಿಗೆ ಯತ್ನಿಸಿದ್ದು, ಈ ಸಂದರ್ಭ ಪೊಲೀಸರು ಹಾಗೂ ಎಂಇಎಸ್‌‌ ಕಾರ್ಯಕರ್ತರ ನಡುವೆ ಗಲಾಟೆ ನಡೆದಿದೆ. ಡಿ.14ರ ಮಂಗಳವಾರದಂದು ಬೆಳಗಾವಿ ಬಂದ್‌ಗೆ ಕರೆ ನೀಡಿದೆ.

  ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಬೆಳಗಾವಿ ನಗರದ ಪೊಲೀಸ್‌ ಆಯುಕ್ತ ಕೆ ತ್ಯಾಗರಾಜನ್‌‌‌, "ಘಟನೆಯ ಸಂಬಂಧ ಟಿಳಕವಾಡಿ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳುತ್ತೇವೆ. ಮಸಿ ಬಳಿದ ಯುವಕನನ್ನು ಬಂಧಿಸಿದ್ದೇವೆ" ಎಂದಿದ್ದಾರೆ.