'ಸಿಎಂ ಮೇಲೆ ವಿಶ್ವಾಸವಿಲ್ಲದಿದ್ದರೆ ಈಶ್ವರಪ್ಪ ರಾಜೀನಾಮೆ ನೀಡಲಿ' - ಸಿದ್ದರಾಮಯ್ಯ

•   Tue, Dec 07 2021 09:13:47 AM



• ಬಾಗಲಕೋಟೆ, ಡಿ.07 (DaijiworldNews/PY): "ಮುರುಗೇಶ್‌ ನಿರಾಣಿ ಸಿಎಂ ಆಗುತ್ತಾರೆ ಎಂದು ಹೇಳಿಕೆ ನೀಡಿದ್ದ ಈಶ್ವರಪ್ಪ ಅವರಿಗೆ ಸಿಎಂ ಬಸವರಾಜ ಬೊಮ್ಮಾಯಿ ಅವರ ಮೇಲೆ ವಿಶ್ವಾಸವಿಲ್ಲದಿದ್ದಲ್ಲಿ ರಾಜೀನಾಮೆ ನೀಡಲಿ" ಎಂದು ವಿಪಕ್ಷ ನಾಯಕ ಸಿದ್ದರಾಮಯ್ಯ ಹೇಳಿದ್ದಾರೆ.

  ಬಾದಾಮಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, "ಮುರುಗೇಶ್‌ ನಿರಾಣಿ ಅವರು ಸಿಎಂ ಆಗುತ್ತಾರೆ ಎಂದು ಹೇಳಿದ್ದರು. ಎಲ್ಲಾರು ಬೈಯ್ಯಲು ಆರಂಭಿಸಿದಾಗ ನಾನು ಆ ರೀತಿ ಹೇಳಿಲ್ಲ, ಮುಂದು ಆಗಬಹುದು ಎಂದಿದ್ದರು. ಈಶ್ವರಪ್ಪ ಅವರಿಗೆ ಸ್ವಾಭಿಮಾನ ಇದೆಯಾ?" ಎಂದು ಪ್ರಶ್ನಿಸಿದ್ದಾರೆ.

  "ವಿಧಾನಪರಿಷತ್‌‌‌ ವಿರೋಧಪಕ್ಷದ ನಾಯಕ ಎಸ್‌ ಆರ್‌ ಪಾಟೀಲ ಅವರಿಗೆ ಕಾಂಗ್ರೆಸ್‌ ಟಿಕೆಟ್‌ ನಿರಾಕರಿಸಿಲ್ಲ. ದ್ವಿಸದಸ್ಯ ಕ್ಷೇತ್ರದಿಂದ ಇಬ್ಬರಿಗೆ ಟಿಕೆಟ್‌ ನೀಡಲು ಹೈಕಮಾಂಡ್‌‌ ತೀರ್ಮಾನಿಸಿತ್ತು. ಒಬ್ಬರಿಗೆ ಟಿಕೆಟ್‌‌‌‌ ನೀಡಿದಲ್ಲಿ ಮಾತ್ರವೇ ಸ್ಪರ್ಧಿಸುವೆ ಎಂದು ಎಸ್‌ ಆರ್‌ ಪಾಟೀಲ ತಿಳಿಸಿದ್ದರು. ಇಬ್ಬರಿಗೆ ಟಿಕೆಟ್‌ ನೀಡುವುದು ಪಕ್ಷದ ಹೈಕಮಾಂಡ್‌ಗೆ ಬಿಟ್ಟ ತೀರ್ಮಾನ" ಎಂದಿದ್ದಾರೆ.