ಲಸಿಕಾ ಅಭಿಯಾನದ ಮೈಲುಗಲ್ಲು - ದೇಶದ ಅರ್ಹ 50%ಕ್ಕಿಂತ ಹೆಚ್ಚು ಮಂದಿಗೆ ಸಂಪೂರ್ಣ ವ್ಯಾಕ್ಸಿನ್

•   Sun, Dec 05 2021 12:05:21 PM



• ನವದೆಹಲಿ, ಡಿ 05 (DaijiworldNews/MS): ಭಾರತದಲ್ಲಿ ಲಸಿಕಾ ಅಭಿಯಾನವೂ ಮತ್ತೊಂದು ಮೈಲಿಗಲ್ಲನ್ನು ಸಾಧಿಸಿದೆ. ಹೌದು ದೇಶದ ಜನಸಂಖ್ಯೆಯ ಲಸಿಕೆಗೆ ಅರ್ಹ 50% ಜನರು ಕರೋನವೈರಸ್ (ಕೋವಿಡ್ -19) ವಿರುದ್ಧ ಹೋರಾಡಲು ಸಂಪೂರ್ಣವಾಗಿ ಲಸಿಕೆ ಹಾಕಿದ್ದಾರೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಭಾನುವಾರ ತಿಳಿಸಿದೆ.

  ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಭಾನುವಾರ ಬೆಳಿಗ್ಗೆ ಬಿಡುಗಡೆ ಮಾಡಿದ ತಾತ್ಕಾಲಿಕ ವರದಿಗಳ ಪ್ರಕಾರ ದೇಶದಲ್ಲಿ ವ್ಯಾಕ್ಸಿನೇಷನ್ ವ್ಯಾಪ್ತಿಯು 127.61 ಕೋಟಿಗಳನ್ನು ಮೀರಿದೆ .

  "ಅರ್ಹ ಜನಸಂಖ್ಯೆಯ 50% ಕ್ಕಿಂತ ಹೆಚ್ಚು ಜನರು ಈಗ ಸಂಪೂರ್ಣವಾಗಿ ಲಸಿಕೆಯನ್ನು ಹೊಂದಿರುವುದರಿಂದ ಇದು ಅತ್ಯಂತ ಹೆಮ್ಮೆಯ ಕ್ಷಣವಾಗಿದೆ. ನಾವು COVID-19 ವಿರುದ್ಧದ ಯುದ್ಧವನ್ನು ಒಗ್ಗಟ್ಟಾಗಿ ಗೆಲ್ಲುತ್ತೇವೆ. ಎಂದು ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ ಟ್ವಿಟರ್‌ನಲ್ಲಿ ಬರೆದಿದ್ದಾರೆ.

  ಕಳೆದ 24 ಗಂಟೆಗಳಲ್ಲಿ 1,04,18,707 ಕೋವಿಡ್-19 ಲಸಿಕೆ ನೀಡಲಾಗಿದ್ದು, ಭಾರತವು 1,32,44,514 ಸೆಷನ್‌ಗಳ ಮೂಲಕ ಇತ್ತೀಚಿನ ಮೈಲಿಗಲ್ಲನ್ನು ಸಾಧಿಸಿದೆ.

  ಲಸಿಕಾಕರಣದ ಈ ವೇಗವನ್ನು ಹೆಚ್ಚಿಸಲು ಮತ್ತು ದೇಶಾದ್ಯಂತ ವ್ಯಾಕ್ಸಿನೇಷನ್ ವ್ಯಾಪ್ತಿಯನ್ನು ವಿಸ್ತರಿಸಲು ಸರ್ಕಾರ ಬದ್ಧವಾಗಿದೆ ಎಂದು ಆರೋಗ್ಯ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.