'ಓಮ್ರಿಕಾನ್‌‌ ಸೋಂಕು ತಡೆಗೆ ವಾರದೊಳಗೆ ಅಗತ್ಯವಾದ ಸಿದ್ದತೆ' - ಸಚಿವ ಸುಧಾಕರ್‌‌

•   Fri, Dec 03 2021 02:22:23 PM



• ಬೆಂಗಳೂರು, ಡಿ.03 (DaijiworldNews/PY): "ರಾಜ್ಯದಲ್ಲಿ ಓಮ್ರಿಕಾನ್‌‌ ಸೋಂಕು ತಡೆಗೆ ವಾರದೊಳಗೆ ಅಗತ್ಯವಾದ ಸಿದ್ದತೆಗಳನ್ನು ಮಾಡಿಕೊಳ್ಳಲಾಗುವುದು" ಎಂದು ಆರೋಗ್ಯ ಸಚಿವ ಕೆ ಸುಧಾಕರ್‌‌ ಹೇಳಿದ್ದಾರೆ.

  ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, "ವಾರದೊಳಗಾಗಿ ಓಮ್ರಿಕಾನ್‌‌‌‌ ತಡೆಗೆ ಅಗತ್ಯವಾದ ಸಿದ್ದತೆಗಳನ್ನು ಮಾಡಿಕೊಳ್ಳಲಾಗುವುದು. ರಾಜ್ಯದ 21 ಜಿಲ್ಲೆಗಳಲ್ಲಿ ವೈದ್ಕೀಯ ಶಿಕ್ಷಣ ಸಂಸ್ಥೆಗಳಿವೆ. ಅಲ್ಲಿ ಪರಿಣಾಮಕಾರಿ ಚಿಕಿತ್ಸೆ ನೀಡುವುದಕ್ಕೆ ತಯಾರಿ ಮಾಡಿಕೊಳ್ಳಲಾಗುವುದು" ಎಂದಿದ್ದಾರೆ.

  "ಓಮ್ರಿಕಾನ್‌ ಸೋಂಕಿತರಿಗೆ ಹೇಗೆ ಚಿಕಿತ್ಸೆ ಮಾಡಬೇಕು ಎನ್ನುವ ಕುರಿತು ತಜ್ಞರೊಂದಿಗೆ ಚರ್ಚಿಸಲಾಗಿದ್ದು, ವಿಶೇಷ ವಾರ್ಡ್‌ನಲ್ಲಿ ಓಮ್ರಿಕಾನ್‌ ಸೋಂಕಿತರಿಗೆ ಚಿಕಿತ್ಸೆ ನೀಡುವ ಬಗ್ಗೆ ಚರ್ಚೆ ನಡೆಸಲಾಗಿದೆ. ಡೆಲ್ಟಾ ವೈರಸ್‌ ಹಾಗೂ ಓಮ್ರಿಕಾನ್‌‌ ವೈರಸ್‌ಗೆ ಒಟ್ಟಿಗೆ ಚಿಕಿತ್ಸೆ ನೀಡಬೇಕಾ ಅಥವಾ ಪ್ರತ್ಯೇಕ ಮಾಡಿ ಚಿಕಿತ್ಸೆ ನೀಡಬೇಕಾ ಎನ್ನುವ ಬಗ್ಗೆ ಚರ್ಚಿಸಲಾಗಿದೆ" ಎಂದು ತಿಳಿಸಿದ್ದಾರೆ.