'ಎಸ್​.ಆರ್ ವಿಶ್ವನಾಥ್​ ರಿಯಲ್ ಎಸ್ಟೇಟ್​ ಗಿರಾಕಿ' - ಹೆಚ್​. ವಿಶ್ವನಾಥ್​ ವಾಗ್ದಾಳಿ

•   Fri, Dec 03 2021 12:31:18 PM



• ಬೆಂಗಳೂರು, ಡಿ. 03 (DaijiworldNews/HR): ಕಾಂಗ್ರೆಸ್​ ಅಭ್ಯರ್ಥಿ ಕೆಜಿಎಫ್​ ಬಾಬು ವಿರುದ್ಧ ಆರೋಪ ಮಾಡಿರುವ ಸಚಿವ ಎಸ್​.ಟಿ. ಸೋಮಶೇಖರ್​ ವಿರುದ್ಧ ಹೆಚ್​. ವಿಶ್ವನಾಥ್​ ಕಿಡಿಕಾರಿದ್ದಾರೆ.

  ಈ ಕುರಿತು ಮಾತನಾಡಿದ ಅವರು, "ಎಸ್​.ಟಿ. ಸೋಮಶೇಖರ್​ ಒಬ್ಬ ಮಂತ್ರಿಯಾಗಿ ಈ ರೀತಿಯ ಮಾತುಗಳನ್ನು ಆಡಬಾರದಿತ್ತು. ಇದರಿಂದ ಬಾಬು ಮನೆಯವರಿಗೆ ಎಷ್ಟು ನೋವಾಗಿದೆ. ಸೋಮಶೇಖರ್​ ಈ ರೀತಿ ವೈಯಕ್ತಿಕ ಟೀಕೆ ಮಾಡಿದ್ದು ಸರಿಯಲ್ಲ" ಎಂದರು.

  ಇನ್ನು ಯಲಹಂಕ ಶಾಸಕ ಎಸ್​.ಆರ್. ವಿಶ್ವನಾಥ್​ ಹತ್ಯೆಗೆ ಸ್ಕೆಚ್​ ವಿಚಾರವಾಗಿಯೂ ಇದೇ ವೇಳೆ ಮಾತನಾಡಿದ ಅವರು, ಗೋಪಾಲಕೃಷ್ಣ ಹಾಗೂ ವಿಶ್ವನಾಥ್​ ಇಬ್ಬರೂ ರಿಯಲ್​ ಎಸ್ಟೇಟ್​ ಗಿರಾಕಿಗಳು. ಅವರಿಬ್ಬರದು ಏನೇನು ಇದೆಯೋ ಯಾರಿಗೆ ಗೊತ್ತು? ಎಂದು ಪ್ರಶ್ನಿಸಿದ್ದಾರೆ.