'ನಾನು ಅಧಿಕಾರದಲ್ಲಿರಲು ಬಯಸುವುದಿಲ್ಲ, ಜನರ ಸೇವೆಯೇ ನನ್ನ ಗುರಿ' - ಪ್ರಧಾನಿ ಮೋದಿ

•   Sun, Nov 28 2021 12:19:57 PM



• ನವದೆಹಲಿ, ನ.28 (DaijiworldNews/PY): "ಸರ್ಕಾರದ ಪ್ರಯತ್ನದಿಂದ ಹಾಗೂ ಸರ್ಕಾರದ ಯೋಜನೆಗಳಿಂದ ಅನೇಕ ಬದಲಾವಣೆ ಆಗಿದೆ. ನಾನು ಅಧಿಕಾರದಲ್ಲಿರಲು ಬಯಸುವುದಿಲ್ಲ, ಜನರ ಸೇವೆಯೇ ನನ್ನ ಗುರಿ" ಎಂದು ಪ್ರಧಾನಿ ನರೇಂದ್ರ ಮೋದಿ ತಿಳಿಸಿದ್ದಾರೆ.

  ಮಾಸಿಕ ರೇಡಿಯೋ ಕಾರ್ಯಕ್ರಮ 'ಮನ್ ಕಿ ಬಾತ್' 83ನೇ ಸಂಚಿಕೆಯಲ್ಲಿ ದೇಶದ ಜನತೆಯನ್ನುದ್ದೇಶಿಸಿ ಮಾತನಾಡಿದ ಅವರು, "ಸರ್ಕಾರದಿಂದ ಯೋಜನೆಗಳಿಂದ ಹಾಗೂ ಪ್ರಯತ್ನದಿಂದ ಜೀವನ ಹೇಗೆ ಬದಲಾಯಿತು. ಆ ಬದಲಾದ ಜೀವನದ ಅನುಭವವೇನು? ಇದನ್ನು ಕೇಳಿದಾಗ ನಮಗೂ ಸಂಚಲನ ಮೂಡುತ್ತದೆ. ಮನಸ್ಸಿಗೆ ಇದು ತೃಪ್ತಿ ನೀಡುತ್ತದೆ" ಎಂದಿದ್ದಾರೆ.

  "ಇನ್ನೆರಡು ದಿನಗಳಲ್ಲಿ ಡಿಸೆಂಬರ್‌ ಆರಂಭವಾಗಲಿದ್ದು, ದೇಶ ನೌಕಾಪಡೆಯ ದಿನ ಹಾಗೂ ಸಶಸ್ತ್ರ ಪಡೆಗಳ ಧ್ವಜವನ್ನು ಆಚರಿಸುತ್ತಿದೆ. ದೇಶವು ಡಿಸೆಂಬರ್‍ 16ರಂದು 1971ರ ಯುದ್ಧದ ಸುವರ್ಣಮಹೋತ್ಸವವನ್ನು ಆಚರಿಸಲಿದ್ದು, ಈ ವೇಳೆ ದೇಶ ಭದ್ರತಾ ಪಡೆಗಳನ್ನು ಸ್ಮರಿಸುವುದು ನಮ್ಮ ಕರ್ತವ್ಯವಾಗಿದೆ" ಎಂದು ತಿಳಿಸಿದ್ದಾರೆ.

  "ಜಲೌಲ್‌ನಲ್ಲಿ ನೂನ್‌ ಎನ್ನುವ ನದಿ ಇತ್ತು. ಕಾಲ ಕ್ರಮೇಣ ಆ ನದಿ ಅಳಿವಿನಂಚಿಗೆ ಬಂತು. ಆ ಭಾಗದ ಜನರಿಗೆ ಇದರಿಂದ ಸಂಕಷ್ಟ ಎದುರಾಗಿದೆ. ಜಲೌನ್‌‌ನ ಜನರು ಈ ವರ್ಷ ಸಮಿತಿಯನ್ನು ರಚಿಸಿ ನದಿಯನ್ನು ಪುನರುಜ್ಜೀವನಗೊಳಿಸಿದ್ದಾರೆ. ಸಬ್‌‌ ಕಾ ಸಾಥ್‌, ಸಬ್‌ ಕಾ ವಿಕಾಸ್‌ಗೆ ಇದು ಉದಾಹರಣೆ" ಎಂದಿದ್ದಾರೆ.