'ಕೊತ್ವಾಲ್ ರಾಮಚಂದ್ರನ ಶಿಷ್ಯನೇ ಕೆಪಿಸಿಸಿ ಅಧ್ಯಕ್ಷನಾಗಿರುವಾಗ ರೌಡಿಶೀಟರ್‌ಗಳು ಸಭ್ಯರಾಗಿರುವುದರಲ್ಲಿ ವಿಶೇಷತೆಯಿಲ್ಲ' - ಬಿಜೆಪಿ

•   Wed, Nov 24 2021 01:06:46 PM



• ಬೆಂಗಳೂರು, ನ.24 (DaijiworldNews/PY): ಮೂರು ಪಕ್ಷಗಳು ವಿಧಾನಪರಿಷತ್‌ ಚುನಾವಣೆಗೆ ಅಭ್ಯರ್ಥಿಗಳನ್ನು ಘೋಷಣೆ ಮಾಡಿದ್ದು, ಈ ಮಧ್ಯೆ ರಾಜ್ಯ ಬಿಜೆಪಿ ಕಾಂಗ್ರೆಸ್‌ ಅಭ್ಯರ್ಥಿಗಳ ಕುರಿತು ಟೀಕೆ ಮಾಡಿದ್ದು, "ಭ್ರಷ್ಟ, ಭೂಗಳ್ಳ, ರೌಡಿ ಹಿನ್ನೆಲೆ ಇರುವವರಿಗೆ ಕಾಂಗ್ರೆಸ್‌ ಟಿಕೆಟ್‌ ನೀಡಿದೆ" ಎಂದು ಆಕ್ರೋಶ ವ್ಯಕ್ತಪಡಿಸಿದೆ.

  ಈ ಕುರಿತು ಟ್ವೀಟ್‌ ಮಾಡಿರುವ ಬಿಜೆಪಿ, "ಕೊತ್ವಾಲ್ ರಾಮಚಂದ್ರನ ಶಿಷ್ಯನೇ ಕೆಪಿಸಿಸಿ ಅಧ್ಯಕ್ಷ ಸ್ಥಾನ ಅಲಂಕರಿಸಿರುವಾಗ ರೌಡಿಶೀಟರ್‌ಗಳು ಸಭ್ಯರಂತೆ ಕಾಣುವುದರಲ್ಲಿ ವಿಶೇಷತೆ ಏನಿಲ್ಲ. ಡಿಕೆಶಿಯವರೇ, ಯಾವ ಅರ್ಹತೆಯ ಆಧಾರದಲ್ಲಿ ಈ ವ್ಯಕ್ತಿಯನ್ನು ಹಿರಿಯರ ಮನೆಗೆ ಕಳುಹಿಸಲು ಉತ್ಸಾಹ ತೋರುತ್ತಿದ್ದೀರಿ? ವಿನಾಶ ಕಾಲೇ ವಿಪರೀತ‌ ಬುದ್ಧಿ ಎನ್ನುವುದಿದಕ್ಕೆ" ಎಂದಿದೆ.

  "ಎಸ್.ಆರ್. ಪಾಟೀಲ್ ಅವರಂಥಹ ಹಿರಿಯರಿಗೆ, ಸಭ್ಯರಿಗೆ ಕೈ ಕೊಟ್ಟ ಕಾಂಗ್ರೆಸ್ ಪಕ್ಷ ಆಯ್ದುಕೊಂಡಿದ್ದು ಮಾತ್ರ ಸಮಾಜ ಘಾತುಕ ಹಿನ್ನಲೆಯ ವ್ಯಕ್ತಿಯನ್ನು!!! ಭ್ರಷ್ಟ, ಭೂಗಳ್ಳ, ರೌಡಿ ಹಿನ್ನೆಲೆ, ಮಹಿಳೆಯರ ಜತೆ ಅಸಭ್ಯ ವರ್ತನೆಯಂಥ ಗುಣಗಳು ಮೇಲ್ಮನೆಯ ಸದಸ್ಯತ್ವಕ್ಕೆ ಅರ್ಹತೆಯಾಯಿತೇ!?" ಎಂದು ಪ್ರಶ್ನಿಸಿದೆ.

  "ಎಂಥ‌ ಘನ ಹಿನ್ನೆಲೆಯ ವ್ಯಕ್ತಿಗೆ ಕಾಂಗ್ರೆಸ್ ವಿಧಾನ‌ ಪರಿಷತ್ ಚುನಾವಣಾ ಟಿಕೆಟ್ ಲಭಿಸಿದೆ!!! ಅಸಭ್ಯ ವರ್ತನೆಗಾಗಿ ಸಿಸಿಬಿ ಕಚೇರಿಯಲ್ಲಿ ಕಂಬಿ ಎಣಿಸಿದ ವ್ಯಕ್ತಿಯನ್ನು ಹಿರಿಯರ ಸದನದ ಸದಸ್ಯನಾಗಿಸುವುದಕ್ಕೆ ಭ್ರಷ್ಟಾಧ್ಯಕ್ಷ ಡಿಕೆಶಿ ಮುಂದಾಗಿದ್ದಾರೆ. ಕೈ ಅಭ್ಯರ್ಥಿಯ ರೌಡಿ ಹಿನ್ನೆಲೆ ಡಿಕೆಶಿ ಅವರನ್ನು ಆಕರ್ಷಿಸಿರಬಹುದೇ!?" ಎಂದು ಕೇಳಿದೆ.

  ಕೊತ್ವಾಲ್ ರಾಮಚಂದ್ರನ ಶಿಷ್ಯನೇ ಕೆಪಿಸಿಸಿ ಅಧ್ಯಕ್ಷ ಸ್ಥಾನ ಅಲಂಕರಿಸಿರುವಾಗ ರೌಡಿಶೀಟರ್‌ಗಳು ಸಭ್ಯರಂತೆ ಕಾಣುವುದರಲ್ಲಿ ವಿಶೇಷತೆ ಏನಿಲ್ಲ.
  
  ಡಿಕೆಶಿಯವರೇ, ಯಾವ ಅರ್ಹತೆಯ ಆಧಾರದಲ್ಲಿ ಈ ವ್ಯಕ್ತಿಯನ್ನು ಹಿರಿಯರ ಮನೆಗೆ ಕಳುಹಿಸಲು ಉತ್ಸಾಹ ತೋರುತ್ತಿದ್ದೀರಿ?
  
  ವಿನಾಶ ಕಾಲೇ ವಿಪರೀತ‌ ಬುದ್ಧಿ ಎನ್ನುವುದಿದಕ್ಕೆ.https://t.co/LMEOQvOobc

  — BJP Karnataka (@BJP4Karnataka) November 23, 2021