'ಕಳೆದ 75 ವರ್ಷಗಳಲ್ಲಿ ದೇಶ ಸಾಧಿಸಬಹುದಾಗಿದ್ದ ಅಭಿವೃದ್ದಿ ಸಾಧಿಸಿಲ್ಲ' - ಮೋಹನ್‌ ಭಾಗವತ್‌

•   Mon, Nov 22 2021 09:35:12 AM



• ನವದೆಹಲಿ, ನ.22 (DaijiworldNews/PY): "ಕಳೆದ 75 ವರ್ಷಗಳಲ್ಲಿ ದೇಶವು ಎಷ್ಟು ಅಭಿವೃದ್ದಿ ಹೊಂದಲು ಸಾಧ್ಯವಿತ್ತೋ ಅಷ್ಟು ಅಭಿವೃದ್ದಿಯಾಗಿಲ್ಲ" ಎಂದು ಆರ್‌ಎಸ್‌ಎಸ್‌ ಮುಖ್ಯಸ್ಥ ಮೋಹನ್‌ ಭಾಗವತ್‌ ತಿಳಿಸಿದ್ದಾರೆ.

  ನವದೆಹಲಿಯ ವಿಜ್ಞಾನ ಭವನದಲ್ಲಿ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, "ಅಭಿವೃದ್ದಿಯ ಪಥದಲ್ಲಿ ಸಾಗಿದರೆ ಮಾತ್ರವೇ ನಾವು ಮುಂದೆ ಹೋಗಲು ಸಾಧ್ಯ. ಆದರೆ, ನಾವು ಹಾಗೆ ಮಾಡಿರಲಿಲ್ಲ. ಈ ಕಾರಣದಿಂದ ಇನ್ನೂ ಮುಂದುವರಿಯುವುದು ಅಸಾಧ್ಯ. ಶಕ್ತಿ, ಸಾಮರ್ಥ್ಯ ಹೊಂದಿದರೂ ಕೂಡಾ ನಾವು ಕೆಲಸಕ್ಕೀ ಸಹ ಹೆಚ್ಚಿನ ಮಹತ್ವ ನೀಡುವುದು ಅಗತ್ಯ" ಎಂದಿದ್ದಾರೆ.

  "ಭಾರತವು, ವಿಶ್ವದ ಇತರ ಯಾವುದೇ ದೇಶಗಳಿಗಿಂತಲೂ ಹೆಚ್ಚು ಉನ್ನತ ಹಾಗೂ ಶ್ರೇಷ್ಠ ವ್ಯಕ್ತಿಗಳನ್ನು ರೂಪಿಸಿದೆ" ಎಂದು ಹೇಳಿದ್ದಾರೆ.

  "ಎಲ್ಲರೂ ಜೈ ಶ್ರೀರಾಮ್‌ ಎಂದು ಘೋಷಣೆ ಕೂಗುತ್ತಾರೆ. ಭರತನಂತೆ ಪ್ರೀತಿಸುವ, ಕಾಳಜಿ ವಹಿಸುವ ಸಹೋದರ ಬೇಕು. ಆದರೆ, ನಾವು ರಾಮನಂತೆ ಕಾರ್ಯನಿರ್ವಹಿಸಬೇಕಿದೆ" ಎಂದಿದ್ದಾರೆ.