ಡ್ರಗ್ಸ್ ಪ್ರಕರಣ: 'ಆರ್ಯನ್‌ನ ವಾಟ್ಸಾಪ್ ಚಾಟ್‌ಗಳಲ್ಲಿ ಯಾವುದೇ ಪುರಾವೆಗಳಿಲ್ಲ'- ಬಾಂಬೆ ಹೈಕೋರ್ಟ್

•   Sat, Nov 20 2021 04:37:58 PM



• ಮುಂಬೈ, ನ.20 (DaijiworldNews/HR): ಕ್ರೂಸ್ ಡ್ರಗ್ಸ್ ಪ್ರಕರಣದಲ್ಲಿ ಬಂಧಿತರಾಗಿದ್ದ ನಟ ಶಾರುಕ್ ಖಾನ್ ಪುತ್ರ ಆರ್ಯನ್ ಖಾನ್ ಅವರು ಅಕ್ಟೋಬರ್ 28 ರಂದು ಜಾಮೀನು ಪಡೆದಿದ್ದು, ಇದೀಗ ಆರ್ಯನ್ ಮತ್ತು ಇತರ ಇಬ್ಬರ ವಾಟ್ಸಾಪ್ ಚಾಟ್‌ಗಳಲ್ಲಿ ಅಪರಾಧ ಎಸಗಿದ್ದಾರೆ ಎಂಬ ಯಾವುದೇ ಪುರಾವೆಗಳಿಲ್ಲ ಎಂದು ಬಾಂಬೆ ಹೈಕೋರ್ಟ್ ಹೇಳಿದೆ.

  

  ನ್ಯಾಯಮೂರ್ತಿ ನಿತಿನ್ ಸಾಂಬ್ರೆ ಅವರು, ಆರ್ಯನ್ ಖಾನ್ ಅವರ ಫೋನ್‌ನಿಂದ ಹೊರತೆಗೆಯಲಾದ ವಾಟ್ಸಾಪ್ ಚಾಟ್‌ಗಳನ್ನು ಪರಿಶೀಲಿಸಿದ ಬಳಿಕ ಆರ್ಯನ್ ಮತ್ತು ಇತರ ಮೂವರ ವಿರುದ್ದ ಸಂಚು ರೂಪಿಸಿದ್ದು, ಅವರ ಕ್ರೂಸ್ ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಾಟ್ಸಾಪ್ ಚಾಟ್‌ಗಳಲ್ಲಿ ಇದಕ್ಕೆ ಯಾವುದೇ ಪುರಾವೆಗಳಿಲ್ಲ ಎಂದಿದ್ದಾರೆ.

  ಆರ್ಯನ್‌ ಖಾನ್‌, ಅರ್ಬಾಜ್‌ ಹಾಗೂ ಧಮೇಚಾ ಅವರ ವಾಟ್ಸ್‌ಆ್ಯಪ್‌ ಚಾಟ್‌ಗಳಲ್ಲಿ ಆಕ್ಷೇಪಾರ್ಹ ಎನ್ನಬಹುದಾದ ಅಂಶಗಳಿಲ್ಲ. ಅವರ ವಿರುದ್ಧ ಹೊರಿಸಲಾದ ಆರೋಪಗಳಿಗೆ ಸಂಬಂಧಿಸಿದಂತೆ ಅಪರಾಧ ಎಸಗಲು ಆರೋಪಿಗಳು ಪಿತೂರಿ ನಡೆಸಿದ್ದರು ಎಂಬುದನ್ನು ಸಹ ಈ ಚಾಟ್‌ಗಳು ತೋರಿಸುತ್ತಿಲ್ಲ ಎಂದು ಎಂದು ಹೈಕೋರ್ಟ್ 14 ಪುಟಗಳ ಆದೇಶದಲ್ಲಿ ಹೇಳಿದೆ.

  ಈ ಪ್ರಕರಣದಲ್ಲಿ ಆರೋಪಿಗಳಾಗಿರುವ, ಆರ್ಯನ್‌ ಖಾನ್‌ ಸ್ನೇಹಿತರಾದ ಅರ್ಬಾಜ್‌ ಮರ್ಚಂಟ್‌ ಹಾಗೂ ಫ್ಯಾಷನ್‌ ಡಿಸೈನರ್ ಮುನ್ಮೂನ್‌ ಧಮೇಚಾ ಅವರಿಗೂ ಹೈಕೋರ್ಟ್‌ ಜಾಮೀನು ನೀಡಿದೆ.

  ಎನ್‌ಸಿಬಿ ಅಕ್ಟೋಬರ್ 3 ರಂದು ಮೂವರು ಬಂಧಿಸಲ್ಪಟ್ಟರು ಮೇಲೆ ದಾಳಿ ನಂತರ ಅಕ್ಟೋಬರ್ 2 ರಂದು ಮುಂಬೈನಿಂದ ಗೋವಾಕ್ಕೆ ಹೊರಡಲಿರುವ ಕ್ರೂಸ್‌ನಲ್ಲಿ ಆಪಾದಿತ ಪಾರ್ಟಿಯ ಬಗ್ಗೆ ರಹಸ್ಯ ಮಾಹಿತಿಯನ್ನು ಕಲೆ ಹಾಕಿತ್ತು.