'ಜನರು ಕಾಂಗ್ರೆಸ್‌ ಪಕ್ಷದವರನ್ನು ಕ್ಯಾಕರಿಸಿ ಉಗಿಯೋದಕ್ಕೆ ಶುರುಮಾಡಿದ್ದಾರೆ' - ಡಿವಿಎಸ್‌

•   Mon, Nov 15 2021 04:51:00 PM



• ಚಿಕ್ಕಬಳ್ಳಾಪುರ, ನ.15 (DaijiworldNews/PY): "ಜನರು ಕಾಂಗ್ರೆಸ್‌ ಪಕ್ಷದವರನ್ನು ಕ್ಯಾಕರಿಸಿ ಉಗಿಯೋದಕ್ಕೆ ಶುರುಮಾಡಿದ್ದಾರೆ" ಎಂದು ಮಾಜಿ ಕೇಂದ್ರ ಸಚಿವ ಡಿ ವಿ ಸದಾನಂದಗೌಡ ಹೇಳಿದ್ದಾರೆ.

  ಬಿಟ್‌ ಕಾಯಿನ್‌ ಹಗರಣ ಸಂಬಂಧ ಮಾತನಾಡಿದ ಅವರು, "ಕಾಂಗ್ರೆಸ್‌ಗೆ ಮೊದಲಿನಿಂದಲೂ ಏನಾದರೂ ಹುಡುಕುವುದೇ ಚಾಳಿಯಾಗಿದೆ. ಬಿಟ್‌ ಕಾಯಿನ್‌ ಹಗರಣಕ್ಕೆ ಸಂಬಂಧಪಟ್ಟಂತೆ ಕಾಂಗ್ರೆಸ್‌‌ ಸುಖಾಸುಮ್ಮನೆ ಆರೋಪ ಮಾಡುತ್ತಿದೆ. ಆಂತರಿಕ ಕಚ್ಚಾಟವನ್ನು ಮುಚ್ಚಿಹಾಕುವ ಸಲುವಾಗಿ ಬಿಟ್‌ ಕಾಯಿನ್‌ ಪ್ರಕರಣವನ್ನು ಹೊರತಂದಿದ್ದಾರೆ" ಎಂದಿದ್ದಾರೆ.

  "ಜನರು ಕಾಂಗ್ರೆಸ್‌ ಪಕ್ಷದವರನ್ನು ಕ್ಯಾಕರಿಸಿ ಉಗಿಯೋದಕ್ಕೆ ಆರಂಭಿಸಿದ್ದಾರೆ. ಬಿಜೆಪಿ ಸರ್ಕಾರ ಅಧಿಕಾರ ಕಳೆದುಕೊಳ್ಳುತ್ತದೆ ಎನ್ನುವುದು ಕಾಂಗ್ರೆಸ್‌ ಪಕ್ಷದವರ ಹಗಲು ಕನಸು" ಎಂದಿದ್ದಾರೆ.

  "ವಿಪಕ್ಷ ನಾಯಕ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಅಧ್ಯಕ್ಷ ಡಿ ಕೆ ಶಿವಕುಮಾರ್‌ ಅವರ ನಡುವೆ ಆಂತರಿಕ ಕಚ್ಚಾಟ ಆರಂಭವಾಗಿದೆ. ಇದನ್ನು ಕಾಂಗ್ರೆಸ್‌ ಮುಚ್ಚಿಹಾಕುವ ಯತ್ನ ಮಾಡುತ್ತಿದೆ" ಎಂದು ಹೇಳಿದ್ದಾರೆ.

  "ಯುವ ಕಾಂಗ್ರೆಸ್‌ ನಾಯಕರ ನಡುವೆಯೂ ಕೂಡಾ ಪೈಪೋಟಿ ನಡೆಯುತ್ತಿ‌ದ್ದು, ಇದನ್ನು ಮುಚ್ಚಿಹಾಕುವ ಸಲುವಾಗಿ ಬಿಟ್‌ ಕಾಯಿನ್‌ ಪ್ರಕರಣವನ್ನು ಕಾಂಗ್ರೆಸ್‌ ಹೊರತಂದಿದೆ. ಇದು ಸತ್ಯಕ್ಕೆ ದೂರವಾದ ವಿಚಾರ. ಬಿಜೆಪಿ ಸರ್ಕಾರ ಬಿದ್ದೋಗುವ ಮಾತೇ ಇಲ್ಲ" ಎಂದಿದ್ದಾರೆ.