ಡ್ರಗ್‌ ಪ್ರಕರಣ - ಎನ್‌ಸಿಬಿ ವಿಚಕ್ಷಣಾ ತಂಡದಿಂದ ಮುಂಬೈನ ವಿವಿಧ ಸ್ಥಳಗಳಿಗೆ ಭೇಟಿ, ಪರಿಶೀಲನೆ

•   Mon, Nov 08 2021 04:02:24 PM



• ಮುಂಬೈ, ನ.08 (DaijiworldNews/PY): ದೆಹಲಿಯ ಮಾದಕ ವಸ್ತು ನಿಯಂತ್ರಣ ಸಂಸ್ಥೆ ವಿಚಕ್ಷಣಾ ತಂಡವು ವಿವಾದಾತ್ಮಕ ಕ್ರೂಸ್‌ ಡ್ರಗ್‌‌ ಪ್ರಕರಣ ತನಿಖೆಗಾಗಿ ಸೋಮವಾರ ಮುಂಬೈಗೆ ಬಂದಿಳಿದಿದೆ.

  

  ಶಾರುಕ್‌ ಖಾನ್‌ ಅವರ ಮ್ಯಾನೇಜರ್‌ ದಡ್ಲಾನಿ ಹಾಗೂ ಎನ್‌ಸಿಬಿಯ ಸಾಕ್ಷಿದಾರ ಕೆ.ಪಿ ಗೋಸ್ವಾಮಿ ಅವರು ಭೇಟಿ ನೀಡಿದ್ದ ಲೋವೆರ್‌‌‌ ಪಾರೆಲ್‌ ಪ್ರದೇಶದಲ್ಲಿರುವ ಇಂಡಿಯಾನ ಹೊಟೇಲ್‌‌‌ನ ಹೊರ ವಲಯಕ್ಕೆ ಎನ್‌ಸಿಬಿ ತಂಡ ಭೇಟಿ ನೀಡಿದೆ.

  ಅಕ್ಟೋಬರ್‌ 2ರಂದು ತಂಡದ ಸದಸ್ಯರು ಪಾರ್ಟಿ ಆಯೋಜಿಸಿದ್ದ ಕಾರ್ಡೆಲಿಯಾ ಕ್ರೂಸ್‌ ಹಡಗು ಲಂಗರು ಹಾಕಿದ್ದ ಮುಂಬೈ ಕ್ರೂಸ್‌ ಟರ್ಮಿನಲ್‌‌‌‌ಗೆ ಭೇಟಿ ನೀಡಿದ್ದು, ಪರಿಶೀಲನೆ ನಡೆಸಿದ್ದಾರೆ.

  ಎನ್‌ಸಿಬಿಯ ಉತ್ತರ ವಲಯದ ಉಪ ಮಹಾ ನಿರ್ದೇಶಕ ಗ್ಯಾನೇಶ್ವರ್‌ ಸಿಂಗ್‌ ಅವರ ನೇತೃತ್ವದ ನಾಲ್ಕೈದು ಸದಸ್ಯರನ್ನು ಒಳಗೊಂಡ ವಿಚಕ್ಷಣಾ ದಳ ಸ್ವತಂತ್ರ ಸಾಕ್ಷಿದಾರ ಪ್ರಭಾಕರ ಸೈಲ್‌ ಅವರ ಹೇಳಿಕೆ ದಾಖಲಿಸಿಕೊಳ್ಳುವುದು ಸೇರಿ ಇನ್ನು ಕೆಲವು ಪ್ರದೇಶಗಳಿಗೆ ಭೇಟಿ ನೀಡುವ ಸಾಧ್ಯತೆ ಇದೆ.