ಬಾಂಗ್ಲಾದೇಶದ ಜೆಎಂಬಿಯ ಶಂಕಿತ ಉಗ್ರನನ್ನು ಬಂಧಿಸಿದ ಎನ್‌‌ಐಎ

•   Wed, Nov 03 2021 12:38:35 PM



• ಕೋಲ್ಕತ್ತ, ನ.03 (DaijiworldNews/PY): "ಪಶ್ಚಿಮ ಬಂಗಾಳದ ದಕ್ಷಿಣ 24 ಪರಗಣ ಜಿಲ್ಲೆಯಲ್ಲಿ ಜಮಾತ್‌‌-ಉಲ್‌‌-ಮುಜಾಹುದೀನ್‌‌ ಬಾಂಗ್ಲಾದೇಶ ಸಂಘಟನೆಯ ಶಂಕಿತ ಉಗ್ರನನ್ನು ಎನ್‌ಐಎ ಬಂಧಿಸಿದೆ" ಎಂದು ಬುಧವಾರ ಅಧಿಕಾರಿಯೋರ್ವರು ಹೇಳಿ‌ದ್ದಾರೆ.

  

  "ಎನ್‌ಐಎ ಸಿಬ್ಬಂದಿ ಜಿಲ್ಲೆಯ ಸುಭಾಷ್‌‌ ಗ್ರಾಮದಲ್ಲಿ ಕಾರ್ಯಾಚರಣೆ ನಡೆಸಿದ್ದು, ಬಾಂಗ್ಲಾದೇಶದ ಪ್ರಜೆಯನ್ನು ಬಂಧಿಸಿದ್ದಾರೆ. ಬಂಧಿತನಿಂದ ನಕಲಿ ಮತದಾರರ ಗುರುತಿನ ಚೀಟಿ, ಆಧಾರ್‌ ಕಾರ್ಡ್‌‌ಗಳನ್ನು ಜಪ್ತಿ ಮಾಡಲಾಗಿದೆ" ಎಂದಿದ್ದಾರೆ.

  "ಬಂಧಿತನ ವಿಚಾರಣೆ ನಡೆಯುತ್ತಿದ್ದು, ಆತ ಹೇಗೆ ಹಾಗೂ ಯಾವಾಗ ಭಾರತದ ಗಡಿ ಪ್ರವೇಶಿಸಿದ ಎನ್ನುವ ಬಗ್ಗೆ ತಿಳಿದುಕೊಳ್ಳಲಾಗುತ್ತಿದೆ. ಅಲ್ಲದೇ, ಉಗ್ರ ಸಂಘಟನೆಗೆ ಸೇರಿದ ಹಲವು ದಾಖಲೆಗಳನ್ನು ಕೂಡಾ ವಶಪಡಿಸಿಕೊಳ್ಳಲಾಗಿದೆ" ಎಂದು ತಿಳಿಸಿದ್ದಾರೆ.