ತಿರುವನಂತಪುರ, ಅ.25 (DaijiworldNews/PY): ಆನ್ಲೈನ್ನಲ್ಲಿ ಐ ಫೋನ್ ಆರ್ಡರ್ ಮಾಡಿದ ವ್ಯಕ್ತಿಗೆ ಪಾತ್ರೆ ತೊಳೆಯುವ ಸೋಪು ಹಾಗೂ 5 ರೂ ನಾಣ್ಯ ಸಿಕ್ಕಿರುವ ಘಟನೆ ಕೇರಳದಲ್ಲಿ ನಡೆದಿದೆ.
ಅಲುವಾ ನಿವಾಸಿಯಾದ ನೂರುಲ್ ಅಮೀನ್ ಅವರು ಇ-ಕಾಮರ್ಸ್ ವೆಬ್ಸೈಟ್ನಲ್ಲಿ ಆಪಲ್ ಐ ಫೋನ್ ಆರ್ಡರ್ ಮಾಡಿದ್ದರು. ಫೋನ್ಗೆ 70,900 ರೂ. ಅನ್ನು ಕೂಡಾ ಪಾವತಿಸಿದ್ದರು. ಆದರೆ, ಐ ಫೋನ್ ಬಾಕ್ಸ್ನಲ್ಲಿ ಸೋಪು ಬಂದಿರುವುದನ್ನು ಕಂಡು ದಂಗಾಗಿದ್ದಾರೆ.
ನೂರುಲ್ ಅಮೀನ್ ಪಾರ್ಸೆಲ್ ಬಿಡಿಸಿ ನೋಡಿದಾಗ ಅದರಲ್ಲಿ ಪಾತ್ರೆ ತೊಳೆಯುವ ಸೋಪು ಹಾಗೂ 5 ರೂ. ನಾಣ್ಯವಾಗಿತ್ತು. ಈ ಬಗ್ಗೆ ನೂರುಲ್ ಅಮಿನ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಈ ಕುರಿತು ನೂರುಲ್ ಎನ್ಆರ್ಐನಲ್ಲಿ ದೂರು ದಾಖಲಿಸಿದ್ದು, ಅದೃಷ್ಟವಶಾತ್ ಪಾವತಿಸಿದ ಹಣ ಹಿಂಪಡೆದಿದ್ದಾರೆ.
ಈ ಸಂಬಂಧ ಸೈಬರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ನೂರುಲ್ ಸ್ವೀಕರಿಸಬೇಕಿದ್ದ ಫೋನ್ ಅನ್ನು ಜಾರ್ಖಂಡ್ನಲ್ಲಿ ಸೆಪ್ಟೆಂಬರ್ನಿಂದ ಯಾರೋ ಬಳಸುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಮೊಬೈಲ್ನ ಐಎಂಇಎ ಸಂಖ್ಯೆಯಿಂದಾಗಿ ಇವೆಲ್ಲವನ್ನು ಕಂಡುಹಿಡಿಯಲು ಸಾಧ್ಯವಾಯಿತು ಎಂದು ಅಧಿಕಾರಿಯೋರ್ವರು ತಿಳಿಸಿದ್ದಾರೆ.