ಪೆಟ್ರೋಲ್‌, ಡೀಸೆಲ್‌ ದರ ಮತ್ತೆ ಏರಿಕೆ - ಲೀಟರ್‌ಗೆ 35 ಪೈಸೆ ಹೆಚ್ಚಳ

•   Thu, Oct 21 2021 09:20:24 AM



• ಮುಂಬೈ, ಅ.21 (DaijiworldNews/PY): ದೇಶದಲ್ಲಿ ಪೆಟ್ರೋಲ್‌ ಹಾಗೂ ಡೀಸೆಲ್‌ ಬೆಲೆ ಏರಿಕೆ ಗುರುವಾರವೂ ಮುಂದುವರಿದಿದೆ.

  

  ಬೆಂಗಳೂರಿನಲ್ಲಿ ಪ್ರತಿ ಲೀಟರ್‌ ಪೆಟ್ರೋಲ್‌ 110.25 ರೂ. ತಲುಪಿದ್ದು, ಡೀಸೆಲ್‌ ದರ 101.12 ರೂ. ಆಗಿದೆ. ದೆಹಲಿಯಲ್ಲಿ ಪ್ರತೀ ಲೀಟರ್‍ ಪೆಟ್ರೋಲ್‌ ದರ 106.54 ರೂ. ಆಗಿದ್ದರೆ, ಡೀಸೆಲ್‌ ದರ 95.27 ರೂ. ಗೆ ಏರಿಕೆಯಾಗಿದೆ. ಮುಂಬೈನಲ್ಲಿ ಪ್ರತೀ ಲೀಟರ್‌ ಪೆಟ್ರೋಲ್‌ ದರ 112.44 ರೂ. ಹಾಗೂ ಡೀಸೆಲ್‌ ದರ 103.26 ರೂ. ಗೆ ಹೆಚ್ಚಳವಾಗಿದೆ.

  ಕೋಲ್ಕತ್ತಾದಲ್ಲಿ ಪೆಟ್ರೋಲ್‌ ದರ 107.12 ರೂ. ಹೆಚ್ಚಳವಾಗಿದ್ದರೆ, ಡೀಸೆಲ್‌‌ ದರ 98 ರೂ. ಗೆ ಹೆಚ್ಚಳವಾಗಿದೆ. ಚೆನ್ನೈನಲ್ಲಿ ಪೆಟ್ರೋಲ್‌‌ ದರ 103.26 ಹಾಗೂ ಡೀಸೆಲ್‌ ದರ 99.68 ರೂ.ಆಗಿದೆ.

  "ಭಾರತವು ಕಚ್ಚಾ ತೈಲ ಆಮದು ಮಾಡಿಕೊಳ್ಳಲು 2020ರ ಜೂನ್‌‌ 8.8 ಬಿಲಿಯನ್‌ ಡಾಲರ್‌‌ ವೆಚ್ಚ ಮಾಡುತ್ತಿತ್ತು. ಆದರೆ, ಈಗ ಆ ಮೊತ್ತ 24 ಬಿಲಿಯನ್ ಅಮೆರಿಕನ್ ಡಾಲರ್‌ಗೆ ಹೆಚ್ಚಳವಾಗಿದೆ. ತೈಲ ಬೆಲೆಯಲ್ಲಿ ಆಗಿರುವ ಹೆಚ್ಚಳ ಇದಕ್ಕೆ ಕಾರಣ" ಎಂದು ಕೇಂದ್ರ ಪೆಟ್ರೋಲಿಯಂ ಸಚಿವ ಹರ್‌ದೀಪ್‌‌ ಸಿಂಗ್‌ ಪುರಿ ತಿಳಿಸಿದ್ದರು.