'ರಾಜ್ಯದಲ್ಲಿ ಕಾಂಗ್ರೆಸ್‌ ಪಕ್ಷ ಚುನಾವಣೆಗೂ ಮೊದಲೇ ಇಬ್ಬಾಗವಾಗಲಿದೆ' - ಈಶ್ವರಪ್ಪ

•   Sun, Oct 03 2021 11:38:28 AM



• ಮೈಸೂರು, ಅ.03 (DaijiworldNews/PY): "ಕಾಂಗ್ರೆಸ್‌ ಚುನಾವಣೆ ಗೆಲ್ಲೋದಿರಲಿ, ಚುನಾವಣೆಗೂ ಮುನ್ನ ಇಬ್ಬಾಗವಾಗಲಿದೆ" ಎಂದು ಸಚಿವ ಕೆ ಎಸ್‌ ಈಶ್ವರಪ್ಪ ಹೇಳಿದ್ದಾರೆ.

  

  ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, "ವಿಪಕ್ಷ ನಾಯಕ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಡಿ ಕೆ ಶಿವಕುಮಾರ್‌‌‌‌ ಅವರು ಅಧಿಕಾರ ಬೇಕು. ಇಬ್ಬರ ನಡುವೆ ಕಿತ್ತಾಟ ಆರಂಭವಾಗಿದೆ. ಸಿದ್ದರಾಮಯ್ಯ ಅವರು ಚುನಾವಣೆಯಲ್ಲಿ ಗೆದ್ದು ತೋರಿಸಲಿ" ಎಂದು ಸವಾಲ್‌ ಹಾಕಿದ್ದಾರೆ.

  "ಸಿದ್ದರಾಮಯ್ಯ ಅವರಿಗೆ ಅಧಿಕಾರ ಬೇಕು. ಹಾಗಾಗಿ ಅವರು ಅಡ್ಡ ಹಿಡಿದಿದ್ದಾರೆ. ಸದನದಲ್ಲಿ ಜಾತಿಗಣತಿ ಕುರಿತು ಚಕಾರವೇ ಎತ್ತಲಿಲ್ಲ" ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  "ರಾಜ್ಯದಲ್ಲಿ ಕಾಂಗ್ರೆಸ್‌ ಪಕ್ಷ ಚುನಾವಣೆಗೂ ಮೊದಲೇ ಇಬ್ಬಾಗವಾಗಲಿದೆ. ಸಿದ್ದರಾಮಯ್ಯ ಹಾಗೂ ಡಿ ಕೆ ಶಿವಕುಮಾರ್‌‌ ಇಬ್ಬರಿಗೂ ಅಧಿಕಾರ ಬೇಕು. ಇದರಿಂದಲೇ ಕಾಂಗ್ರೆಸ್‌ ಪಕ್ಷ ಇಬ್ಬಾಗವಾಗುತ್ತದೆ. ಇದರಲ್ಲೇ ಯಾವುದೇ ರೀತಿಯಾದ ಅನುಮಾನ ಬೇಡ" ಎಂದಿದ್ದಾರೆ.