ನವದೆಹಲಿ: ದೇಶದಲ್ಲಿ ಶೇ. 69ರಷ್ಟು ಮಂದಿ ವಯಸ್ಕರಿಗೆ ಮೊದಲ ಡೋಸ್ ಲಸಿಕೆ ವಿತರಣೆ

•   Thu, Sep 30 2021 11:08:18 PM



• ನವದೆಹಲಿ, ಸೆ. 30 (DaijiworldNews/SM): ಲಸಿಕೆ ವಿತರಣೆ ತೀವ್ರ ವೇಗ ಪಡೆದುಕೊಂಡಿದ್ದು, ಶೇ. 69ರಷ್ಟು ಮಂದಿ ವಯಸ್ಕರಿಗೆ ಮೊದಲ ಡೋಸ್ ಲಸಿಕೆ ವಿತರಿಸಲಾಗಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ತಿಳಿಸಿದೆ.

  

  ಇನ್ನೊಂದೆಡೆ ಶೇ.25 ರಷ್ಟು ಮಂದಿ ಎರಡನೇ ಡೋಸ್ ಲಸಿಕೆಯನ್ನು ಕೂಡ ಪಡೆದುಕೊಂಡಿದ್ದಾರೆ ಎಂದು ಸರಕಾರ ತಿಳಿಸಿದೆ. ಗ್ರಾಮೀಣ ಭಾಗಗಳ ಲಸಿಕಾ ಕೇಂದ್ರಗಳಲ್ಲಿ ಶೇ.64.1 ರಷ್ಟು ಡೋಸ್ ಗಳನ್ನು ನೀಡಲಾಗಿದೆ.

  ಇನ್ನು ನಗರ ಪ್ರದೇಶಗಳಲ್ಲಿ ಶೇ.35 ರಷ್ಟು ಮಂದಿಗೆ ಲಸಿಕೆ ಪೂರೈಸಲಾಗಿದೆ. ನಗರ/ ಗ್ರಾಮೀಣ ಎಂಬ ವಿಭಾಗ ಇಲ್ಲದೇ ಇರುವ ಪ್ರದೇಶಗಳಲ್ಲಿ ಲಸಿಕಾ ಕೇಂದ್ರಗಳಲ್ಲಿ 67.4 ಲಕ್ಷ ಡೋಸ್ ಗಳನ್ನು ವಿತರಿಸಲಾಗಿದೆ.

  ಜನಸಂಖ್ಯೆ ಸಾಂದ್ರತೆ ಹೆಚ್ಚಿರುವ ಪ್ರದೇಶಗಳಲ್ಲಿ ಕೋವಿಡ್-19 ಸೋಂಕು ಹರಡುವಿಕೆ ಸಾಧ್ಯತೆ ಹೆಚ್ಚಿದ್ದು ಅನಗತ್ಯ ಪ್ರಯಾಣಗಳನ್ನು ತಪ್ಪಿಸುವಂತೆ ತಿಳಿಸಿದೆ. ಅಲ್ಲದೆ ಹಬ್ಬಗಳನ್ನು ಅತ್ಯಂತ ಕಡಿಮೆ ಜನರೊಂದಿಗೆ ಆಚರಣೆ ಮಾಡುವುದು ಉತ್ತಮ ಎಂದು ಸರ್ಕಾರ ಸಲಹೆ ನೀಡಿದೆ.