ಕೊರೊನಾಗೆ ಬಲಿಯಾದ ತಂದೆಯ ಮೇಣದ ಪ್ರತಿಮೆ ನಿರ್ಮಿಸಿದ ಪುತ್ರ!

•   Sat, Sep 25 2021 01:56:37 PM



• ಮಹಾರಾಷ್ಟ್ರ, ಸೆ.25 (DaijiworldNews/HR): ಮಹಾರಾಷ್ಟ್ರದ ಸಾಂಗ್ಲಿ ಜಿಲ್ಲೆಯಲ್ಲಿ ಕೊರೊನಾದಿಂದ ತಂದೆಯನ್ನು ಕಳೆದುಕೊಂಡಿದ್ದ ವ್ಯಕ್ತಿಯೊಬ್ಬ ತನ್ನ ತಂದೆಯ ಮೇಣದ ಪ್ರತಿಮೆ ನಿರ್ಮಿಸಿದ ಘಟನೆ ನಡೆದಿದೆ.

  

  ಉದ್ಯಮಿ ಅರುಣ್​ ಕೋರೆ ಎಂಬವರು ಕಳೆದ ವರ್ಷ ಸೆಪ್ಟೆಂಬರ್​ ತಿಂಗಳಲ್ಲಿ ಕೊರೊನಾದಿಂದ ತಮ್ಮ ತಂದೆ ರಾವ್​ ಸಾಹೇಬ್​ ಶಾಮ್​ರಾವ್​ ಕೋರೆಯನ್ನು ಕಳೆದುಕೊಂಡಿದ್ದು, ಅವರು ಸಾಹೇಬ್​​​ ನಾಗ್ಪುರದಲ್ಲಿ ರಾಜ್ಯ ಅಬಕಾರಿ ಅಧೀಕ್ಷಕರಾಗಿ ಸೇವೆ ಸಲ್ಲಿಸುತ್ತಿದ್ದರು.

  ಇನ್ನು ಕರ್ನಾಟಕದಲ್ಲಿ ಉದ್ಯಮಿಯೊಬ್ಬರು ಮೃತ ಪತ್ನಿಯ ಮೇಣದ ಪ್ರತಿಮೆಯನ್ನು ಮನೆಯಲ್ಲೇ ನಿರ್ಮಿಸಿರುವ ವಿಚಾರವನ್ನು ಯುಟ್ಯೂಬ್​ನಲ್ಲಿ ನೋಡಿದ ಪುತ್ರ ಅರುಣ್​ ಕೋರೆ ಅದರಂತೆಯೇ ತಮ್ಮ ತಂದೆಯ ಮೇಣದ ಪ್ರತಿಮೆ ನಿರ್ಮಿಸಿದ್ದಾರೆ.

  ಈ ಪ್ರತಿಮೆಯನ್ನು ಬೆಂಗಳೂರಿನ ಕಲಾವಿದನಿಂದ ಅರುಣ್​ ಕೋರೆ ನಿರ್ಮಾಣ ಮಾಡಿದ್ದು, 2 ತಿಂಗಳ ಅವಧಿಯಲ್ಲಿ ಈ ಪ್ರತಿಮೆ ನಿರ್ಮಾಣವಾಗಿದೆ. ಈ ಮೇಣದ ಪ್ರತಿಮೆಯು ಥೇಟ್​ ನಮ್ಮ ತಂದೆಯಂತೆಯೇ ಇದೆ. ಈ ವಿಗ್ರಹವು ಅಲುಗಾಡುವುದಿಲ್ಲ.

  ಈ ಪ್ರತಿಮೆಯು 15 ಲಕ್ಷ ರೂಪಾಯಿ ಮೌಲ್ಯದಾಗಿದ್ದು, 50 ವರ್ಷಗಳ ಕಾಲ ಬಾಳಿಕೆ ಬರುತ್ತದೆ.