'ಮುಂದಿನ ಪಂಜಾಬ್‌ ಚುನಾವಣೆ ಸಿಧು ನೇತೃತ್ವದಲ್ಲಿ ನಡೆಯಲಿದೆ' - ಕಾಂಗ್ರೆಸ್ ಶಾಸಕ

•   Mon, Sep 20 2021 11:26:54 AM



• ಚಂಡಿಗಡ, ಸೆ.20 (DaijiworldNews/PY): "ಮುಂದಿನ ಪಂಜಾಬ್‌ ವಿಧಾನಸಭಾ ಚುನಾವಣೆಯನ್ನು ನವಜೋತ್‌‌ ಸಿಂಗ್‌ ಸಿಧು ನೇತೃತ್ವದಲ್ಲಿ ಎದುರಿಸಲಿದ್ದೇವೆ" ಎಂದು ಪಂಜಾಬ್‌ ಕಾಂಗ್ರೆಸ್‌‌ ಉಸ್ತುವಾರಿ ಹರೀಶ್‌‌ ರಾವತ್‌ ತಿಳಿಸಿದ್ದಾರೆ.

  

  ನವಜೋತ್‌‌ ಸಿಂಗ್‌ ಸಿಧು

  "ಕಾಂಗ್ರೆಸ್‌‌, ಮುಂಬರುವ ಪಂಜಾಬ್‌ ವಿಧಾನಸಭಾ ಚುನಾವಣೆ ನವಜೋತ್‌ ಸಿಂಗ್‌ ಸಿಧು ಅವರ ನೇತೃತ್ವದಲ್ಲಿ ಎದುರಿಸಲಿದೆ. ನವಜೋತ್ ಸಿಂಗ್ ಸಿಧು ಜನಪ್ರಿಯ ನಾಯಕರಾಗಿದ್ದಾರೆ. ಕಾಂಗ್ರೆಸ್‌ನ ರಾಷ್ಟ್ರ ಘಟಕದ ಅಧ್ಯಕ್ಷರು ಈ ಬಗ್ಗೆ ತೀರ್ಮಾನ ಕೈಗೊಳ್ಳಲಿದ್ದಾರೆ" ಎಂದಿದ್ದಾರೆ.

  "ಚರಣ್‌‌ಜಿತ್‌ ಸಿಂಗ್‌ ಅವರನ್ನು ಸಿಎಂ ಆಗಿ ಆಯ್ಕೆ ಮಾಡುವ ತೀರ್ಮಾನವನ್ನು ಭಾನುವಾರ ಕೈಗೊಳ್ಳಲಾಗಿದ್ದು, ಒಮ್ಮತದಿಂದ ನಿರ್ಧಾರಿಸಲಾಗಿದೆ" ಎಂದು ತಿಳಿಸಿದ್ದಾರೆ.

  ಚರಣ್‌‌ಜಿತ್‌ ಸಿಂಗ್‌ ಅವರು ಮೂರು ಬಾರಿ ಶಾಸಕರಾಗಿ ಆಯ್ಕೆಯಾಗಿದ್ದಾರೆ. ಚನ್ನಿ ಅವರು 2015-16ರಲ್ಲಿ ಪಂಜಾಬ್‌ ವಿಧಾನಸಭೆಯ ವಿರೋಧ ಪಕ್ಷದ ನಾಯಕರಾಗಿದ್ದರು.