'ಕಾಂಗ್ರೆಸ್‌ಗೆ ಖಾಯಂ ಅಧ್ಯಕ್ಷರ ಅವಶ್ಯಕತೆ ಇದೆ' - ಶಶಿ ತರೂರ್

•   Sun, Sep 19 2021 09:08:51 AM



• ಕೊಚ್ಚಿ, ಸೆ.19 (DaijiworldNews/PY): "ಕಾಂಗ್ರೆಸ್‌ ಪಕ್ಷಕ್ಕೆ ಶಕ್ತಿ ತುಂಬಲು ಖಾಯಂ ಅಧ್ಯಕ್ಷರ ಅವಶ್ಯಕತೆ ಇದೆ" ಎಂದು ಲೋಕಸಭಾ ಸಂಸದ ಶಶಿ ತರೂರ್​ ತಿಳಿಸಿದ್ದಾರೆ.

  

  ಕೇರಳದ ಕೊಚ್ಚಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, "ಕಾಂಗ್ರೆಸ್‌ ಪಕ್ಷಕ್ಕೆ ಹೊಸ ನಾಯಕತ್ವದ ಅಗತ್ಯವಿದೆ. ಪಕ್ಷಕ್ಕೆ ಖಾರ್ಯ ನಾಯಕರೋರ್ವರು ಇರದೇ ಇದ್ದಲ್ಲಿ ಪಕ್ಷದ ಸ್ಥಿತಿ ಏನಾಗುತ್ತದೆ ಎಂದು ಮುಂದಿನ ದಿನಗಳಲ್ಲಿ ತಿಳಿಯಲಿದೆ" ಎಂದಿದ್ದಾರೆ.

  "ಸೋನಿಯಾ ಗಾಂಧಿಯವರ ನಾಯಕತ್ವವನ್ನು ನಾವೆಕ್ಕರೂ ಇಷ್ಟಪಟ್ಟಿದ್ದೇವೆ. ದಶಕಗಳ ಕಾಲ ಸೋನಿಯಾ ಗಾಂಧಿಯವರು ಪಕ್ಷವನ್ನು ಸಮರ್ಥವಾಗಿ ಮುನ್ನಡೆಸುತ್ತಾ ಬಂದಿದ್ದಾರೆ. ಅವರ ಬಗ್ಗೆ ಯಾವುದೇ ರೀತಿಯ ಭಿನ್ನಾಭಿಪ್ರಾಯ ಇಲ್ಲ" ಎಂದು ಹೇಳಿದ್ದಾರೆ.

  "ಒಂದು ವೇಳೆ ರಾಹುಲ್‌ ಗಾಂಧಿ ಅವರು ಅಧ್ಯಕ್ಷ ಸ್ಥಾನ ವಹಿಸಿಕೊಳ್ಳಲು ಬಯಸಿದರೆ, ಶೀಘ್ರದಲ್ಲೇ ಅದು ಬೇಗ ಕಾರ್ಯರೂಪಕ್ಕೆ ಬರಬೇಕು" ಎಂದಿದ್ದಾರೆ.