'ತೀವ್ರವಾದದ ಸವಾಲುಗಳನ್ನು ಸಮರ್ಥವಾಗಿ ಎದುರಿಸಲು ಮಾದರಿ ರೂಪಿಸಿ' - ಪ್ರಧಾನಿ ಮೋದಿ ಕರೆ

•   Fri, Sep 17 2021 03:20:58 PM



• ನವದೆಹಲಿ, ಸೆ.17 (DaijiworldNews/PY): ಉಗ್ರವಾದ ಹಾಗೂ ತೀವ್ರವಾದ ಸವಾಲುಗಳನ್ನು ಸಮರ್ಥವಾಗಿ ಎದುರಿಸಲು ಅನುಕೂಲವಾಗುವ ನಿಟ್ಟಿನಲ್ಲಿ ಮಾದರಿಯೊಂದನ್ನು ಅಭಿವೃದ್ಧಿಪಡಿಸುವಂತೆ ಶಾಂಘೈ ಸಹಕಾರ ಸಂಘಟನೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಕರೆ ನೀಡಿದ್ದಾರೆ.

  

  ಎಸ್‌ಒಸಿ ವಾರ್ಷಿಕ ಶೃಂಗಸಭೆಯಲ್ಲಿ ಶುಕ್ರವಾರ ವಿಡಿಯೊ ಕಾನ್ಫರೆನ್ಸ್‌ನಲ್ಲಿ ಮಾತನಾಡಿದ ಅವರು, "ನಮ್ಮ ಪ್ರದೇಶಗಳಲ್ಲಿ ಉಗ್ರವಾದದಿಂದ ಹಲವಾರು ಸವಾಲುಗಳು ಎದುರಾಗಿವೆ. ಈ ಸವಾಲುಗಳನ್ನು ಇದೀಗ ಅಫ್ಗಾನ್‌ನ ಬೆಳವಣಿಗೆಗಳು ಪ್ರತಿಬಿಂಬಿಸುತ್ತದೆ" ಎಂದಿದ್ದಾರೆ.

  "ಅಫ್ಗಾನ್‌ನ ಇತ್ತೀಚೆಗಿನ ಬೆಳವಣಿಗೆ ಶಾಂತಿ, ಭದ್ರತೆ ಹಾಗೂ ವಿಶ್ವಾಸದ ಕೊರತೆಗೆ ಸಂಬಂಧಿಸಿದೆ ಎನ್ನುವುದು ನನ್ನ ನಂಬಿಕೆ. ಉಗ್ರವಾದ ಹಾಗೂ ತೀವ್ರವಾದಗಳೇ ಈ ಸಮಸ್ಯೆಗಖ ಮೂಲ ಕಾರಣ. ಅಫ್ಗಾನಿಸ್ತಾನದಲ್ಲಿನ ಇತ್ತೀಚಿನ ಬೆಳವಣಿಗೆಗಳು ಈ ಸವಾಲನ್ನು ಹೆಚ್ಚು ಸ್ಪಷ್ಟಪಡಿಸಿದೆ" ಎಂದು ತಿಳಿಸಿದ್ದಾರೆ.

  "ಭಾರತ, ಮಧ್ಯ ಏಷ್ಯಾ ರಾಷ್ಟ್ರಗಳೊಂದಿಗೆ ಸಂಪರ್ಕ ವೃದ್ಧಿಸಲು ಬದ್ಧ" ಎಂದು ಹೇಳಿದ್ದಾರೆ.